ប្រើទូរសព្ទរាល់ថ្ងៃ ឆ្លើយបានទេ ប្រព័ន្ធសុវត្ថិភាពណាដែលអ្នកគិតថាស្រួលប្រើ?

2018-06-26 08:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មានទិន្នន័យជាច្រើន ដែលអ្នកបានរក្សាទុកក្នុងទូរសព្ទ។ ដើម្បីសុវត្ថិភាព អ្នកប្រើវិធីសាស្រ្តដើម្បី Lock និង Unlock ទូរសព្ទរបស់អ្នកដូចជា Password, PIN Code, Pattern Lock, Fingerprint Sensor, Facial Recognition, Iris Scanner, Intelligent Scan, Smart Lock(On-Body Detection, Trusted Places, Trusted Face, Trusted Devices)។

ចុះមួយណាល្អបំផុតក្នុងការប្រើប្រាស់។

១) Password

ចំណុចល្អ៖ ពាក្យសម្ងាត់រឹងមាំ មានសុវត្ថិភាព។
ចំណុចមិនល្អ៖ មិនសូវស្រួលប្រើ តម្រូវវាយបញ្ចូលច្រើនដងរាល់ថ្ងៃ។
ពេលប្រើ៖ ពេលត្រូវការកម្រិតសុវត្ថិភាពខ្ពស់បំផុត។

ពាក្យសម្ងាត់ ជាវិធីរឹងមាំមួយ ក្នុងការ Lock ទូរសព្ទ ដែលស្ទើរតែមិនអាចបំបែកបាន អាចធានាទូរសព្ទ ទិន្នន័យក្នុងនោះមានសុវត្ថិភាព។

តែពាក្យសម្ងាត់ ត្រូវការបញ្ចូលរាល់ពេល Unlock ចូលប្រើទូរសព្ទ មិនសូវស្រួលនោះទេ ចុះបើអ្នកប្រញាប់បើកប្រើ អាចពិបាក។

២) PIN Code

ចំណុចល្អ៖ ងាយស្រួលបញ្ចូលជាងពាក្យសម្ងាត់។
ចំណុចមិនល្អ៖ ប្រើ PIN Code រឹងមាំ អាចពិបាកចងចាំ។
ពេលប្រើ៖ ជាជម្រើស Backup សម្រាប់ជម្រើស Biometric security (ស្កេនមុខ ឬស្កេនម្រាមដៃ)។

PIN Code មានភាពសាមញ្ញជាង ពាក្យសម្ងាត់។ Android អាចឲ្យប្រើលេខ PIN ដល់ទៅ ១៦ ខ្ទង់ តែពិបាកក្នុងការចងចាំ។

៣) Pattern Lock

ចំណុចល្អ៖ សាមញ្ញ ងាយស្រួលប្រើ។
ចំណុចមិនល្អ៖ មនុស្សភាគច្រើន ប្រើទម្រង់គំនូសសាមញ្ញ ងាយស្មានដឹង។
ពេលប្រើ៖ បើមិនមានមុខងារស្កេនម្រាមដៃ និងមិនចូលចិត្ត PIN។

Pattern lock តម្រូវប្រើគំនូស រៀបជារាងណាមួយ ភ្ជាប់ពីចំណុចមួយទៅមួយ។ មនុស្សភាគច្រើន ប្រើរាងគំនូសងាយៗ ព្រោះមិនចង់ពិបាក ពេលភ្លេច ដែលនេះក៏អាចងាយនឹងទាយដឹងផងដែរ។

៤) Fingerprint Sensor

ចំណុចល្អ៖ លឿនរហ័ស និងមានសុវត្ថិភាព។
ចំណុចមិនល្អ៖ ទីតាំង Sensor មានការផ្លាស់ប្ដូរ។
ពេលប្រើ៖ មានជា Default សម្រាប់អ្នកប្រើប្រាស់ភាគច្រើន។

Fingerprint sensor បច្ចុប្បន្ន មានបំពាក់ច្រើនលើទូរសព្ទ ប៉ុន្មានឆ្នាំចុងក្រោយនេះ ហើយជាវិធីសាស្ត្រចូលចិត្តប្រើជាងគេ ដោយសាររហ័ស ងាយស្រួលប្រើ និងមានសុវត្ថិភាព។

មិនមែនគ្រប់ Fingerprint sensor បំពាក់លើទូរសព្ទមានគុណភាពស្មើគ្នានោះទេ ដោយខ្លះប្រើបានរហ័ស ខ្លះមិនសូវ។ ចំពោះទីតាំង ម៉ូដែលខ្លះស្ថិតនៅចំណុចកណ្ដាលផ្នែកក្រោយ។ មុខងារសុវត្ថិភាពនេះ មិនអាចប្រើបាន ពេលពាក់ស្រោមដៃនោះទេ ដែលតម្រូវមានវិធី Backup មួយតង់ទៀត ពេលមិនដំណើរការ ក្នុងការ Unlock ទូរសព្ទ។

៥) Facial Recognition

ចំណុចល្អ៖ រហ័ស អាច Unlock ទូរសព្ទ ត្រឹមក្រឡេកមើល។
ចំណុចមិនល្អ៖ មិនសូវជាមានសុវត្ថិភាពនោះទេ ពេលបច្ចុប្បន្ន។
ពេលប្រើ៖ បើមិនចូលប្រើកម្មវិធីទាក់ទងនឹងលុយកាក់ (Banking ឬ Payment)។

Android ផ្ដល់មុខងារ Unlock ប្រើផ្ទៃមុខ ក្នុងឆ្នាំ ២០១១ តែមានបញ្ហា ដោយអាចបំបែកបានត្រឹមប្រើរូបថត។

Face recognition មានពីរប្រភេទ៖

Face ID របស់ Apple ប្រើ Infrared sensor ពិនិត្យទិដ្ឋភាព 3D របស់មុខ ដោយអះអាងណា មានភាពត្រឹមត្រូវជាង Fingerprint scanner ដល់ទៅ ២០ដង។
ប្រភេទទីពីរបានប្រើលើ Device ដូចជា Galaxy S9 និង OnePlus 5T ជាមួយនឹងរូបភាព 2D បានថតដោយកាមេរ៉ាមុខ។ នេះមានភាពរហ័ស តែងាយស្រួលបំបែក។

៦) Iris Scanner

ចំណុចល្អ៖ ជាទម្រង់សុវត្ថិភាពមួយប្រភេទនៃ Biometric ID។ - ចំណុចមិនល្អ៖ អាចមិនដើរ ពេលពន្លឺភ្លឺ ឬ ពាក់វ៉ែនតា។
ពេលប្រើ៖ បើចង់ប្រើ ពីលើ Fingerprint scanner របស់ទូរសព្ទ។

មុខងារស្កេនប្រស្រីភ្នែក ជាទម្រង់មានសុវត្ថិភាពមួយនៃ Biometric ID អាចថានៅលើ Finterprint។

Iris scanner ស្កេនភ្នែកទាំងគូរ លឿន ត្រឹមត្រូវ និងមានសុវត្ថិភាពគ្រប់គ្រាន់ ប្រើជាមួយកម្មវិធីទាក់ទងនឹងលុយ។

Iris scanner មានបញ្ហា គាំងមិនដើរ ក្នុងស្ថានភាពមានពន្លឺភ្លឺ និងពេលពាក់វ៉ែនតា ឬពាក់ Lens ភ្នែក។

៧) Intelligent Scan

ចំណុចល្អ៖ ជាការបន្សំល្អបំផុតនៃមុខងារស្កេនមុខ និងប្រស្រីភ្នែក។
ចំណុចមិនល្អ៖ មិនសូវមានសុវត្ថិភាព ពេលប្រើកម្មវិធីទាក់ទងនឹងលុយ (Payment)។
ពេលប្រើ៖ បើអ្នកប្រើប្រាស់ត្រឹម Face recognition។

Intelligent Scan ជាប្រព័ន្ធសុវត្ថិភាពមួយ បង្កើតដោយ Samsung និងប្រើលើ Galaxy S9។ នេះបានរចនា គួបផ្សំអត្ថប្រយោជន៍នៃ Facial recognition (ស្កេនមុខ) និង Iris scanning (ស្កេនប្រស្រីភ្នែក)។

ដំបូងស្កេនមុខ បើមិនដើរ ដោយខ្វះពន្លឺ ប្រព័ន្ធស្កេនប្រស្រីភ្នែក ហើយបើមិនដើរ ប្រព័ន្ធផ្គួបគ្នាទាំងពីរ។

៨) Smart Lock

ជាការបន្ថែមជម្រើសសុវត្ថិភាព Android ផ្ដល់មុខងារ ៥ ក្នុង Smart Lock អាច Unlock ទូរសព្ទបាន។

On-body detection អាច Unlock ពេលស្ថិតក្នុងហោប៉ៅ ឬកាបូប។
Trusted places អាច Unlock ពេលស្ថិតនៅទីតាំងណាមួយ ដូចជាផ្ទះ សាលា ឬ ការិយាល័យ។
Trusted devices អាច Unlock ពេលភ្ជាប់ប្រើ Bluetooth device ដូចជា Smartwatch។
Trusted face អាច Unlock ដោយប្រើមុខ។
Voice Match អាច Unlock ដោយនិយាយថា OK Google ជាជម្រើសល្អ បើអ្នកឧស្សាហ៍ប្រើ Google Assistant៕