កម្មវិធីជំនួយការធ្វើលំហាត់ប្រាណ ល្អៗ ទាំង ១០ ឆ្នាំ ២០១៨

2018-06-26 10:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្ន មានការយកចិត្តទុកដាក់ខ្លាំងលើសុខភាពទាំងចាស់ ក្មេង កន្លែងហាត់ប្រាណនានា មានមនុស្សកកកុញ។ មានកម្មវិធីជាច្រើន អាចប្រើបានជំនួយដល់ការធ្វើលំហាត់ប្រាណ កាន់តែមានប្រសិទ្ធភាព លើ iPhone, Android និង Device មួយចំនួន។

មិនគួរមើលរំលង នេះ កម្មវិធី ទាំង ១០ សាកប្រើបាន ដឹងតែពេញចិត្ត។

១) Nike Training Club

កម្មវិធីមានវីដេអូលំហាត់ប្រាណប្រើបានឥតគិតថ្លៃ ច្រើនជាង ១៦០ តាមប្រភេទស្ទិលផ្សេងៗ ដូចជា Yoga, Cardio, Boxing និង Endurance អាចលេងបាននៅផ្ទះ ដោយខ្លួនឯង។ កម្មវិធីនេះមានបែបបទហាត់ប្រាណ ច្រើនសណ្ឋាន អាចប្រើបានទាំងបុរស និងស្ត្រី។

គ្រប់យ៉ាង អាចប្រើបានដោយឥតគិតថ្លៃ។ តែ កម្មវិធីលើ iOS ប្រើបានតែលើ Device ដំណើរការ iOS 10 ឡើងទៅ។ អាចប្រើបានទាំងលើ iOS និង Android។

២) Fitbit Coach

Fitbit Coach ជាកម្មវិធីផ្ដល់វីដេអូលំហាត់ប្រាណ ផ្អែកលើកម្រិតរបស់អ្នក (Feedback) ក្រោយលំហាត់នីមួយៗ។ នេះជាកម្មវិធី សាកសមប្រើសម្រាប់មនុស្សទូទៅ។

តែ Content ផ្ដល់ឲ្យតិចតួច សម្រាប់ការប្រើឥតគិតថ្លៃ ហើយបើចង់បានពេញ ត្រូវចំណាយថវិកា ៧.៩៩ ដុល្លារ ក្នុងមួយខែ ឬ ៣៩.៩៩ ដុល្លារក្នុងមួយឆ្នាំ។ អាចប្រើបានលើ iOS, Android, Windows និង Xbox One។

៣) Sweat

Sweat ជាប្រភេទកម្មវិធី All-in-one fitness (គ្រប់យ៉ាងស្ថិតលើកម្មវិធីតែមួយ) រចនាឡើងដើម្បីជំរុញទឹកចិត្តក្មេងស្រី និងស្ត្រី ដើម្បីធ្វើលំហាត់ប្រាណ ទទួលទានបានល្អប្រសើរ និងមានអារម្មណ៍ល្អចំពោះខ្លួនឯង។ កម្មវិធីមាន Content និងគ្រឿងទេសច្រើនប្រភេទ ហើយអាចចែករំលែករូបភាព និងគន្លឹះនានា លើបណ្ដាញសង្គមផ្ទាល់ខ្លួន ជាមួយ អ្នកប្រើប្រាស់ផ្សេងទៀតផងដែរ។

កម្មវិធីអាចប្រើសាកល្បង (Trial) បាន ៧ ថ្ងៃ បន្ទាប់មកត្រូវចំណាយថវិកាថ្លៃបន្តិច ៤.៦១ ដុល្លារ ប្រចាំសប្ដាហ៍ និង ១៩.៩៩ ដុល្លារ ប្រចាំខែ។ អាចប្រើបានទាំងលើ iOS និង Android។

៤) Zova

Zova ជាកម្មវិធីធ្វើលំហាត់ប្រាណ (All-in-one) ផ្ដល់វីដេអូ សំឡេង និងការតាមដានចលនាចង្វាក់រត់។ កម្មវិធីមានមុខងារណែនាំទាំងការធ្វើលំហាត់ប្រាណ និងតាមដាន ការរត់ ឬដើរ សាកសមប្រើសម្រាប់មនុស្សទូទៅ។ លើ Apple Watch អាចត្រួតពិនិត្យមើលចង្វាក់បេះដូងកំឡុងពេលហាត់ប្រាណបាន។

កម្មវិធីអាចប្រើបានតែលើ iOS ជាមួយ iPhone, iPod Touch និង Apple Watch ហើយតម្លៃប្រចាំខែ ១២.៩៩ ដុល្លារ និងប្រចាំឆ្នាំ ៧៩.៩៩ ដុល្លារ សម្រាប់មុខងារពេញលេញបន្ថែម។

៥) Runtastic Pushup, Pull-Ups, SitUps, & Squats

នេះជាកម្មវិធី ផ្ដោតលើលំហាត់ប្រាណតាមផ្នែកនីមួយៗ ផ្ដល់ជាសំឡេងក្នុងការណែនាំ និងមានតារាងពិន្ទុផងដែរ។ កម្មវិធីអាចប្រើបានឥតគិតថ្លៃ ល្អពេលចង់ហាត់ផ្នែកណាមួយ នៃរាងកាយ។

ជំនាន់ឥតគិតថ្លៃ មានតែកម្រិត ១ ប៉ុណ្ណោះ ខណៈកម្រិត ២ និង ៣ មានលើជំនាន់ PRO ជាមួយតម្លៃ ១.៩៩ ដុល្លារ។ អាចប្រើបានទាំងលើ iOS, Android និង Windows។

៦) FitStar Yoga

កម្មវិធីនេះ អាចបង្កើតវគ្គលំហាត់ប្រាណដោយខ្លួនឯង ផ្អែកលើកម្រិតអ្នកប្រើប្រាស់បាន។ មានថ្នាក់ Yoga អាចចូលមើលបាន ដោយឥតគិតថ្លៃ។

ក្នុងនេះ មិនមានគ្រូបង្ហាញបុរសនោះទេ ហើយការបង្ហាញអាចដដែល ពីរ ទៅបីដងរវាងលំហាត់នីមួយៗ។ អាចប្រើបានតែលើ iOS ហើយតម្លៃសម្រាប់មុខងារពេញលេញបន្ថែមប្រចាំខែ ៧.៩៩ ដុល្លារ ឬ ប្រចាំឆ្នាំ ៣៩.៩៩ ដុល្លារ។

៧) My Fitness by Jillian Michaels

អ្នកស្ត្រី Jillian Michaels ជាគ្រូបង្វឹកកាយសម្បទា បានផ្ដល់វីដេអូ គម្រោងអាហារ និងគន្លឹះនានាប្រចាំថ្ងៃ ពីខ្លួនគាត់ផ្ទាល់។ កម្មវិធី អាចឲ្យអ្នកបង្កើតវគ្គហាត់ប្រាណ ផ្ដោតលើផ្នែកណាមួយនៃរាងកាយ ដោយខ្លួនឯង តែស្ថិតក្នុងជំនាន់បង់លុយ។

គ្រប់យ៉ាងទាំងវីដេអូ និងគន្លឹះនានា ចេញពីអ្នកស្ត្រី Jillian Michaels ហើយបើអ្នកមិនមែនជា Fan គាត់ទេ នេះប្រហែលមិនមែនកម្មវិធីសម្រាប់អ្នកទេ។

អាចប្រើបានទាំងលើ iOS និង Android ហើយសម្រាប់មុខងារពេញលេញបន្ថែមត្រូវចំណាយប្រចាំខែ ៩.៩៩ ដុល្លារ និង ប្រចាំឆ្នាំ ៨៩.៩៩ ដុល្លារ។

៨) Zombies, Run!

ជាកម្មវិធីជំនួយការរត់ មានភាពពេញនិយមទាំងលើ iOS និង Android ដោយមានសំឡេងជំរុញ ប្រើលើដងផ្លូវ បង្ខំ និងជំរុញអ្នកឲ្យរត់បានលឿន។

អាចប្រើបាន ទាំងលើ iOS និង Android។ សម្រាប់ iOS តម្រូវជំនាន់ចាប់ពី 11.2 ឡើងទៅលើ iPhone និង iPod Touch។

៩) Runkeeper

ជាកម្មវិធីមានភាពពេញនិយម ទាំងអ្នករត់ថ្មីថ្មោង និងមានបទពិសោធន៍ ក្នុងការតាមដានចង្វាក់រត់លើដងផ្លូវ ហើយក៏ផ្ដល់គម្រោងហ្វឹកហាត់ ផងដែរ ក្នុងការពង្រឹង ល្បឿន និងភាពអំណត់។ កម្មវិធីនេះ ផ្ដល់គម្រោងលំហាត់ប្រាណផ្ទាល់ខ្លួន តាមតម្រូវការ តែតម្រូវចំណាយថវិកា។

អាចប្រើបានទាំងលើ iOS និង Android ហើយសម្រាប់មុខងារពេញលេញបន្ថែមតម្លៃប្រចាំខែ ៩.៩៩ ដុល្លារ ឬ ប្រចាំឆ្នាំ ៣៩.៩៩ ដុល្លារ។

១០) Seven - 7 Minute Workout App

ជាកម្មវិធី រចនាឡើង ដើម្បីឲ្យគ្រប់គ្នា ធ្វើលំហាត់ប្រាណ ត្រឹម ៧ នាទី ក្នុងមួយថ្ងៃ។ មានលំហាត់ប្រាណពេញលេញ អាចសាកល្បងបានដោយឥតគិតថ្លៃ និងអាចបង្កើត គួបផ្សំនឹងលំហាត់ប្រាណផ្ទាល់ខ្លួនឯង ដែលអាចចែករំលែកជាមួយមិត្តភក្ដិបាន។

តែការរចនាកម្មវិធីទាំងមូល មិនសូវមានចំណុចជំរុញទឹកចិត្តក្នុងការហាត់ប្រាណ។ អាចប្រើបានទាំងលើ iOS និង Android។ សម្រាប់ចូលជាសមាជិក 7 CLUB ទទួលបានវគ្គបន្ថែម ជាមួយគ្រូបង្វឹក ត្រូវចំណាយប្រចាំខែ ៩.៩៩ ដុល្លារ ឬប្រចាំឆ្នាំ ៧៩.៩៩ ដុល្លារ៕