ទៀតហើយ! អ្នកគាំទ្រ BLACKPINK រិះគន់ TWICE សាជាថ្មី រឿងរាំបទ "So Hot” របស់ WONDER GIRLS
- 2018-06-30 04:55:56
- ចំនួនមតិ 0 | ចំនួនចែករំលែក 0
ទៀតហើយ! អ្នកគាំទ្រ BLACKPINK រិះគន់ TWICE សាជាថ្មី រឿងរាំបទ "So Hot” របស់ WONDER GIRLS
ចន្លោះមិនឃើញ
កាលពីថ្មីៗនេះ ក្រុមចម្រៀង TWICE បានធ្វើការរាំបទចម្រៀងដ៏ល្បី "So Hot” របស់ក្រុមចម្រៀង WONDER GIRLS ប៉ុន្តែអ្វីដែលទទួលបានវិញនោះ គឺមតិរិះគន់ជាច្រើនរបស់អ្នកគាំទ្រក្រុម BLACKPINK។
ជាការអបអរពិធីគម្រប់ខួប ២០ ឆ្នាំរបស់កម្មវិធី Music Bank សមាជិកក្រុម TWICE តារាចម្រៀង Jeongyeon, Jihyo, Mina, Chaeyoung និង Tzuyu បានធ្វើការរាំបទចម្រៀង "So Hot” របស់ក្រុមរៀមច្បងរបស់ពួកគេ។
ទោះបីជាពួកគេខិតខំសម្ដែងបានល្អយ៉ាងណាក៏ដោយ អ្នកគាំទ្រមួយចំនួនបានចាប់អារម្មណ៍ថា មានមតិរិះគន់ជាច្រើនលើវីដេអូសម្ដែងរបស់ក្រុមចម្រៀងមួយនេះ បើប្រៀបធៀបទៅនឹងក្រុមចម្រៀង BLACKPINK។
អ្នកគាំទ្រក្រុម BLACKPINK បានធ្វើការប្រៀបធៀបការសម្ដែងរបស់ក្រុម TWICE ទៅនឹងការសម្ដែងរបស់ក្រុមដែលពួកគេគាំទ្រ ដែលបានសម្ដែងបទ "So Hot” នេះដូចគ្នា ក្នុងការប្រគំតន្ត្រី SBS Gayo Daejun កាលពីឆ្នាំ ២០១៧។ អ្នកគាំទ្រទាំងនោះបានរិះគន់ថា ក្រុម TWICE បានធ្វើតាមក្រុម BLACKPINK ដោយយកបទចម្រៀងដូចគ្នាយកមកសម្ដែង។
ក្រោយមតិរិះគន់នេះនៅតែបន្តច្រើនឡើងៗនោះ អ្នកគាំទ្រពិតប្រាកដរបស់ BLACKPINK មួយចំនួនផ្សេងទៀត បានធ្វើការសុំទោសជំនួសអ្នកគាំទ្រដែលមិនដឹងអីទាំងនោះ ហើយថែមទាំងបានបកស្រាយថាអ្នកគាំទ្រទាំងនោះមិនសមនឹងចាត់ចូលជាអ្នកគាំទ្រ BLACKPINK ពិតប្រាកដនោះទេ៕