៣ យ៉ាងត្រៀមដាច់យប់មើល World Cup ឲ្យកាន់តែមានន័យ ហើយអាចមានលាភធំ

2018-06-30 09:13:39
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីប្រកួតជម្រុះអស់ពេលកន្លះខែមក World Cup កាន់តែល្អមើលទៅៗហើយ ខណៈដែលការប្រកួតបាល់ទាត់ពានរង្វាន់ពិភពលោកមួយនេះ កំពុងដល់វគ្គចាញ់ធ្លាក់ៗ (Knockout Stage)។ មានគូល្អៗមើលជាច្រើនត្រូវប៉ះគ្នាក្នុង ១៦ ក្រុមចុងក្រោយនេះ ក្នុងនោះ អ្នកស្រលាញ់ព័រទុយហ្គាល់ មាន Cristiano Ronaldo អាហ្សង់ទីន មាន Lionel Messi ប្រេស៊ីល មាន Neymar បារាំង មាន Antoine Griezmann។

និយាយដល់ដំណាក់កាលនេះទៅហើយ បើមើលម្នាក់ឯងដូចជាកណ្ដោចកណ្ដែងអផ្សុកពេក ចឹងធ្វើម៉េចទើប World Cup ឆ្នាំនេះកាន់តែមានន័យទៅ?

១. ខលហៅពួកម៉ាក

ប៉ះគូណាល្អមើល ជាពិសេស បារាំង ប៉ះ អាហ្សង់ទីន, អ៊ុយរុយហ្គាយ ប៉ះ ព័រទុយហ្គាល, អង់គ្លេស ប៉ះ កូឡុំប៊ី កុំភ្លេចខលហៅពួកម៉ាកយល់ចិត្តយល់ថ្លើមដែលមានស៊ុបក៏ញ៉ាំជុំគ្នា មានសៀងក៏ញ៉ាំជុំគ្នា មកមើលការប្រកួតជុំគ្នាឲ្យសប្បាយណាណីម្ដង ជាពិសេសបើអ្នក និងពួកម៉ាកមាន idol ដូចគ្នា។ សាកស្រមៃមើល ទិដ្ឋភាពពេលក្រុមខ្លួនស្រលាញ់ស៊ុតបញ្ចូលទីម្ដងៗ សប្បាយយ៉ាងណា បើមើលបាល់ជុំគ្នានោះ។

កាលវិភាគប្រកួតវគ្គ ១៦ ក្រុម (ម៉ោងក្នុងស្រុករុស្ស៊ី)

**២. រើសកន្លែងស្រែកហ៊ោបាន**

ខលហៅពួកម៉ាកបានហើយ កុំភ្លេចសំខាន់បំផុតរឿងមើលនៅឯណា! មើលបាល់សំខាន់បំផុត គឺអេក្រង់ទូរទស្សន៍ធំប៉ុណ្ណា និងបរិយាកាសជុំវិញ។

ជ្រើសរើសផ្ទះពួកម៉ាណាម្នាក់ បើផ្ទះគេមានទូរទស្សន៍អេក្រង់ធំ ផ្ដល់រូបភាពមើលវីដេអូច្បាស់ត្រជាក់ភ្នែក។ ម្យ៉ាង សម្រាប់អ្នកត្រូវការឯកជនភាពស្រែកហ៊ោសប្បាយតែមួយក្រុមគ្នាឯង ចង់ធ្វើអ្វី ចង់ផឹកអីក៏បាន គឺស័ក្ដិសមបំផុត។
ជ្រើសរើស Pub ណាមួយមានផ្សាយផ្ទាល់ បើអ្នកចង់បានបរិយាកាសមានមនុស្សច្រើន មើលគេមើលឯង មានភ្លេងកំដរ។ Pub នៅភ្នំពេញមិនតិចទេ មានបញ្ចាំងលើ Slide ផ្សាយបន្តផ្ទាល់ការប្រកួត World Cup ទាំងអស់។

៣. រករបស់កំដរបរិយាស

ចុងក្រោយបំផុតដែលធ្វើឲ្យបរិយាកាសមិនអាប់អួស្ងាត់ដូចចោរលួចសេះ គឺជល់កែវ។ ទម្លាប់ជុំគ្នា កុំថាឡើយដាច់យប់មើលបាល់ជុំគ្នានោះ រឿងជល់កែវមិនអាចចោលបានឡើយ។ ជល់ល្មមៗ ដើម្បីសប្បាយជុំគ្នា និងលាភធំ។

អត្ថបទពាក់ព័ន្ធ៖ វីដេអូអាថ៌កំបាំងមានអក្សរ “O” សង្ស័យអ្នកមើល World Cup ជុំគ្នាមានលាភធំ

ត្រង់នេះ បើសំណាងវិញ អ្នកអាចនឹងមានលាភធំប្រចាំរដូវ World Cup បើគាស់ក្រវិលកំប៉ុងឃើញមានអក្សរ “O” ព្រោះស្រាបៀរអង្គរ បានចេញវីដេអូពិសេសមួយសម្រាប់ World Cup ដោយមានបង្ហាញតួអក្សរអង់គ្លេស “O” លើក្រវិលកំប៉ុង។ បើតាមការបង្ហើបពីក្រុមហ៊ុន អក្សរ “O” នោះ គឺតំណាងឲ្យរង្វាន់ធំបំផុតសម្រាប់ World Cup។ អាចជាទូរសព្ទតម្លៃថ្លៃ ជាម៉ូតូ ជារថយន្ត ឬជាអ្វីនោះ ក៏មិនដឹងច្បាស់ដែរ ព្រោះក្រុមហ៊ុននឹងប្រកាសភ្លាម ពេលរកឃើញអ្នកឈ្នះ៕

អត្ថបទ៖ សុផាត