Oppo A5 កូនកាត់ F7 តម្លៃធូរថ្លៃ ត្រឹមតែជាង ២០០ ដុល្លារ
- 2018-07-08 01:28:39
- ចំនួនមតិ 0 | ចំនួនចែករំលែក 0
Oppo A5 កូនកាត់ F7 តម្លៃធូរថ្លៃ ត្រឹមតែជាង ២០០ ដុល្លារ
ចន្លោះមិនឃើញ
ក្រុមហ៊ុន Oppoទើបតែប្រកាសចេញផ្សាយនូវស្មាតហ្វូនធុនកណ្តាលរបស់ខ្លួនម៉ូឌែល A5 ដែលមានរចនាបថស្ទើរតែទាំងស្រុងដូចទៅនឹងរៀមច្បង F7។
Oppo A5 បំពាក់អេក្រង់ LCD ទំហំ ៦,២ អ៊ីញ កម្រិត ១ ៥២០ x ៧២០p មាត្រដ្ឋាន ១៩:៩ ផ្នែកខាងមានស្នាមឆកកណ្តាល ប៉ុន្តែគ្មានទ្រនាប់ស្កេនខ្ចៅដៃដូច F7 នៅតួខាងក្រោយ។ មកជាមួយឈីបធុនកណ្តាល Snapdragon 450 មានអង្គគណនាប្រភេទ Octa-core ល្បឿន ១,៨Ghz បន្សំទំហំ RAM 3/4GB អង្គផ្ទុក 64GB លាយឡំរន្ធដោត microSD ជាប់ប្រអប់ជើងស៊ីម។
ផ្នែកខាងក្រោយប្រើកាមេរ៉ាភ្លោះ ដោយមួយគ្រាប់ទំហំ 13MP មាន Aperture f/2.2 និងមួយគ្រាប់ទៀត 2MP មាន Aperture f/2.4 សម្រាប់ផ្តិតយករូបភាពបែបព្រាល (Portrait) ខណៈផ្នែកខាងមុខទំហំ 8MP អាចថត Selfie បានយ៉ាងប្រសើរ។
ស្ថិតក្នុងទម្ងន់ខ្លួនស្រាល ១៦៨ ក្រាម ត្រកូល A5 មានថាមពលថ្មខ្លាំងដល់ ៤ ២៣០mAh ជាមួយតម្លៃលក់ផ្លូវការ ១ ៥០០ យន់ ឬក្បែរ ២២៥ ដុល្លារ ចាប់ពីថ្ងៃទី ១៣ កក្កដាតទៅក្នុងទីផ្សារប្រទេសចិន។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: