អ្នកត្បាញសូត្រ ជឿជាក់លើពាក្យមួយឃ្លា មិនខ្វះអតិថិជនគាំទ្រ

2018-07-13 02:27:12
ចំនួនមតិ 0 | ចំនួនចែករំលែក 0

ចន្លោះមិនឃើញ

"ស្មោះត្រង់និងអាជីវកម្ម និងអតិថិជន មិនព្រួយដាច់ពោះ"។ នេះជាការលើកឡើងរបស់ អ្នកស្រី ដាំ មុំ អាយុ៣៥ឆ្នាំ ម្ចាស់សិប្បកម្មតម្បាញសូត្រ នៅភូមិប៉ោយចារ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។

អ្នកស្រី ដាំ មុំ

អ្នកស្រី ដាំ មុំ បានចាប់ផ្ដើមចងក្រងក្រុមស្ត្រីអ្នកត្បាញ និងបង្កើតជាសិប្បកម្មតម្បាញសូត្រ ផ្គត់ផ្គង់ឱ្យសមាគម និងអតិថិជនផ្សេងៗ ក្នុងអំឡុងឆ្នាំ ២០០៨ ឬ ២០០៩។

ចុចអាន៖ ៥សន្លឹក បង្ហាញពីការងារប្រចាំថ្ងៃ នៃអ្នកប្រកបរបរតម្បាញ អ្នកខេត្តបន្ទាយមានជ័យ

សូមចុចអាន៖ របរតម្បាញសូត្ររបស់អ្នកស្រុក ភ្នំស្រុក ប្រឈមការបាត់បង់

អ្នកស្រុកភ្នំស្រុក មួយចំនួនធំ បានបោះបង់ចោលនៅមុខរបរត្បាញសូត្រ ព្រោះតែមិនសូវមានទីផ្សារ និង ការចិញ្ចឹមដង្កូវនាង មិនសូវបានផលដូចមុនព្រោះតែដំណាំភាគច្រើនបានបាញ់សារធាតុគីមី ប៉ះពាល់ដល់ការចិញ្ចឹមដង្កូវនាង។ ប៉ុន្ដែ អ្នកស្រី ដាំ មុំ មិនបោះបង់ប៉ុណ្ណោះទេ ប៉ុន្ដែ ពង្រីកមុខរបរនេះកាន់តែធំ ថែមទៀត។

សិប្បកម្មតម្បាញសូត្ររបស់អ្នកស្រី ដាំ មុំ មានផលិតផលដែលផលិតពីសសៃអំបោះ និងសូត្រ។ ផលិតផលទាំងនោះ មានដូចជា ភួយដណ្តប់ ក្រមាបង់ក កន្សែង ក្រណាត់សូត្រ ជាដើម ។ ផលិតផលទាំងនេះ មានលក់នៅស្ទើរគ្រប់ខេត្តក្នុងប្រទេសកម្ពុជា ប៉ុន្តែទីផ្សារដែលធំជាងគេ គឺ ខេត្តសៀមរាប និង រាជធានីភ្នំពេញ។