សរ សី អាចសងសឹកឲ្យមិត្តរួមជាតិ ចាន់ រតនា បានទេនៅ ONE?

2018-07-23 07:37:50
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរចាស់វស្សា សរ សី ចេញពីប្រទេសកម្ពុជានាថ្ងៃនេះហើយ ដើម្បីត្រៀមខ្លួនឡើងសង្វៀនលំដាប់ពិភពលោក One Championship ដែលគ្រោងធ្វើឡើងនៅប្រទេសហ្វីលីពីនថ្ងៃទី២៧ ខែកក្កដា ២០១៨។

កីឡាករ សរ សី

សរ សី បានឲ្យដឹងថា ថ្ងៃនេះរូបគេរួមនិងលោកគ្រូ ហ៊ុន ច័ន្ទរាជ្យ ចេញដំណើរទៅប្រទេសហីលីពីនហើយ ដើម្បីប្រកួតក្នុងកម្មវិធី One Championship ថ្ងៃទី២៧ ចុងខែនេះ ដែលត្រូវប៉ះជាមួយជើងខ្លាំងជនជាតិ Xie Bin។

កីឡាករ សរ សី

កីឡាករជោកជាំនិងសង្វៀនរូបនេះបន្ថែមថា សមត្ថភាពកីឡាករចិនខាងលើនេះ គឺល្អចូលចាប់ អញ្ចឹងហើយ បើព្យាយាមការពារបានល្អ ពីការចូលចាប់របស់ដៃគូបាននៅទឹកទី១ អាចថាសង្ឃឹមឈ្នះវិញផងដែរ។ ចំពោះការហ្វឹកហាត់វិញ គិតទៅបានប្រហែលជាង ១០ថ្ងៃផងដែរ ហើយហ្វឹកហាត់ផ្ដោតលើការលេងខាងក្រោមនិងខ្លាំងតែម្ដង ព្រោះដូចបានលើកឡើងខាងលើដៃគូល្អចូលចាប់ ដូច្នេះត្រូវហ្វឹកហាត់លើកម្រាលឲ្យបានល្អបន្តិច។

សរ សី និងលោកគ្រូ ហ៊ុន ច័ន្ទរាជ្យ

រំលឹកដែរថា សរ សី នឹងត្រូវប្រកួតក្បាច់គុនចម្រុះជាមួយជើងខ្លាំងមកពីប្រទេសចិន Xie Bin នាថ្ងៃទី២៧ ខែកក្កដា ២០១៨ នៅប្រទេសហ្វីលីពីន ក្នុងកម្មវិធី One Championshiop។ ជើងខ្លាំងចិនម្នាក់នេះក៏ធ្លាប់ឈ្នះអ្នកប្រដាល់កម្ពុជា ចាន់ រតនា ផងដែរអំឡុងខែមេសា ឆ្នាំ២០១៧ កន្លងទៅ៕

អត្ថបទ៖ នួន ស៊ីណា