ចង់រៀនទ្រឹស្ដី ប្រឡងយកប័ណ្ណបើកបរមិនអស់លុយ មិនគួរមើលរំលងកម្មវិធីទាំងនេះ!(វីដេអូ)

2018-07-23 04:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការរៀនទ្រឹស្ដី ដើម្បីប្រឡងយកប័ណ្ណបើកបរមិនមែនជារឿងងាយស្រួលប៉ុន្មាននោះទេ ពីមួយឆ្នាំទៅមួយឆ្នាំ ចំនួនអ្នកដាក់ពាក្យប្រឡងមិនក្រោមពាន់នាក់ ក្នុងនោះក៏មានអ្នកបរាជ័យម្ដងទៅពីរដងដែរ ទម្រាំទទួលបានប័ណ្ណបើកបរស្របច្បាប់។ យ៉ាងណាក្ដី ឧបសគ្គទាំងនោះបានរលាយអស់ ក្រោយពេលមានការបង្កើតចេញជារូបរាងកម្មវិធី(Apps) ដាក់លើទូរសព្ទដៃ ដែលអាចឲ្យអ្នកស្វែងយល់និងអនុវត្តដោយខ្លួនឯងបាន មុននិងឈានជើងចូលទៅទិញពាក្យប្រឡងមែនទែន។ ខាងក្រោមនេះជាកម្មវិធីដែលអ្នកមិនគួរមើលរំលង បើចង់រៀនទ្រឹស្ដី ប្រឡងយកប័ណ្ណបើកបរ៖

១) Cambodia Driving Rules

កម្មវិធីយល់ដឹងពីទ្រឹស្ដីនៃការបើកបរ (Cambodia Driving Rules) ត្រូវបានបង្កើតឡើងកាលពីឆ្នាំ ២០១៧ ដោយក្រសួងសាធារណការ និងដឹកជញ្ជូន។ កម្មវិធីនេះមានមុខងារពិសេសៗជាច្រើនដូចជា យល់ដឹងពីទ្រឹស្ដីនៃការបើកបរ ធ្វើការប្រឡងសាកល្បង អំពីទ្រឹស្ដី នៃការបើកបរ យល់ដឹងអំពីច្បាប់ និងបទដ្ឋានគតិយុត្តិ ទាក់ទងនឹងច្បាប់ចរាចរណ៍ផ្លូវគោក លេងកម្សាន្ត និងចែករំលែកចំណេះដឹង។

កម្មវិធីនេះដែរ ធ្លាប់ឈ្នះមេដាយសំរិទ្ធ និងទទួលបានលេខ១ ផ្នែកវិស័យសាធារណៈក្នុងការប្រកួតកម្មវិធី Cambodia ICT Award 2017។

ចុចដោនឡូត App Store | Play Store

២) Cambodia Driving Test

កម្មវិធីតេស្តសមត្ថភាពបើកបរសាកល្បង (Cambodia Driving Test) ត្រូវបានបង្កើតឡើងកាលពីឆ្នាំ ២០១៧ ដូចគ្នា ដោយក្រុមនិស្សិតថ្នាក់វិទ្យាសាស្ត្រកុំព្យូទ័ររៀនឆ្នាំទី ៣ នៃសាកលវិទ្យាល័យន័រតុន។ លក្ខណៈពិសេសនៃកម្មវិធីនេះ អាចឲ្យអ្នកសាកល្បងដឹងថា មានសមត្ថភាពប្រលងជាប់ ឬធ្លាក់ ព្រមទាំងមានសំណួរចម្លើយ និងការប្រលងសាកល្បងចំណេះដឹងទូទៅទាក់ទងនឹងច្បាប់មុនចូលប្រលងមែនទែន។

កម្មវិធីដ៏មានសារប្រយោជន៍នេះ ធ្លាប់ឈ្នះមេដាយសំរិទ្ធមួយ ពីប្រទេសម៉ាឡេស៊ីក្នុងកម្មវិធីការប្រកួតការស្រាវជ្រាវ និងការបង្កើតថ្មីផ្នែកវិទ្យាសាស្ត្រ (IDRIS 2017)។

ចុចដោនឡូត App Store | Play Store

អានអត្ថបទបន្ត៖

អត្ថបទ៖ រក្សា