កីឡាករ៣រូបដែលលើកពាន Champions League និង World Cup នៅឆ្នាំតែមួយ
- 2018-07-24 08:04:49
- ចំនួនមតិ 0 | ចំនួនចែករំលែក 0
កីឡាករ៣រូបដែលលើកពាន Champions League និង World Cup នៅឆ្នាំតែមួយ
ចន្លោះមិនឃើញ
UEFA Champions League និង FIFA World Cup គឺជាពានដ៏មានឥទ្ធិពលបំផុតក្នុងពិភពបាល់ទាត់សម័យទំនើបនេះ បើទោះវាមានលក្ខណៈចែកដាច់ពីគ្នាដោយមួយជាពានក្លឹបអាជីព និងមួយទៀតជាពានរបស់ជម្រើសជាតិក៏ដោយ។
មានកីឡាករខ្វះធ្លាប់ឈ្នះ World Cup តែមិនធ្លាប់ឈ្នះ Champions League ហើយខ្លះទៀតឈ្នះ Champions League តែមិនធ្លាប់ឈ្នះ World Cup។ ដោយឡែកកីឡាករមួយចំនួនមានសំណាងធ្លាប់ឈ្នះទាំង World Cup និង Champions League នៅក្នុងអាជីពជាកីឡាករដូចជា៖ Ronaldinho, Kaka, Schweinsteiger ជាដើម។
យ៉ាងណាមានកីឡាករតែ៣រូបប៉ុណ្ណោះក្នុងពិភពលោកបាល់ទាត់ដែលធ្លាប់ភ្លក់រសជាតិពាន Champions League និង World Cup នៅក្នុងឆ្នាំជាមួយគ្នា ដែលអ្នកទាំង៣មានដូចជា៖
#៣ Roberto Carlos (Real Madrid និង ប្រេស៊ីល)
Roberto Carlos គឺជាខ្សែការពារឆ្វេងដ៏ល្បីល្បាញកាលពីអតីតកាល និងមានកម្លាំងជើងខ្លាំងមួយរូប។ កីឡាកររូបនេះបានចំណាយពេល១១រដូវកាលជាមួយ Real Madrid ហើយឈ្នះពាន La Liga ៤ និង Champions League ៣ដង។ នៅក្នុងឆ្នាំ២០០២ រូបគេបានជួយប្រេស៊ីលលើកពាន World Cup នៅជប៉ុន-កូរ៉េខាងត្បូង នៅឆ្នាំតែមួយដែល Real Madrid ឈ្នះ Champions League។
#២ Sami Khedira (Real Madrid និង អាល្លឺម៉ង់)
Sami Khedira គឺជាខ្សែបម្រើមួយរូបដែលលើកពាន World Cup ជាមួយអាល្លឺម៉ង់នៅឆ្នាំ២០១៤ក្រោយយកឈ្នះអាហ្សង់ទីននៅវគ្គផ្ដាច់ព្រ័ត្រ។ នៅឆ្នាំជាមួយគ្នានោះកីឡាករវ័យ៣១ឆ្នាំត្បិតមិនសូវបានលេងប្រកួតលីគអាជីពដោយសារបញ្ហារបស់ប៉ុន្តែរូបគេបានរួមចំណែកជួយ Real Madrid យកឈ្នះ Atletico Madrid ៤-១ ក្លាយជាជើងឯក Champions League។
#១ Raphael Varane (Real Madrid និង បារាំង)
ថ្មីៗបំផុតគឺ Raphael Varane បានចារឈ្មោះរបស់ខ្លួនទៅក្នុងកំណត់ត្រាកីឡាករឈ្នះ UCL និង World Cup ក្នុងឆ្នាំតែមួយក្រោយជួយបារាំងលើកពាន World Cup និងរុស្ស៊ី ហើយជួយ Real Madrid ឈ្នះ Liverpool ៣ទល់នឹង១នៅវគ្គផ្ដាច់ព្រ័ត្រ៕