ឡូយមែន! ឥឡូវហ្នឹង មានកម្មវិធីប្រកួតជាងសំណង់ឈ្នះរង្វាន់ ២ លាន ហើយបានទៅថៃទៀត
- 2018-07-25 12:53:31
- ចំនួនមតិ 0 | ចំនួនចែករំលែក 0
ឡូយមែន! ឥឡូវហ្នឹង មានកម្មវិធីប្រកួតជាងសំណង់ឈ្នះរង្វាន់ ២ លាន ហើយបានទៅថៃទៀត
ចន្លោះមិនឃើញ
កម្មវិធីប្រកួតផ្នែកសំណង់ដំបូងគេនៅកម្ពុជា បានដំណើរការប្រកួតជុំទី១ហើយកាលពីថ្ងៃអាទិត្យ សប្ដាហ៍មុន ដោយមានជាងសំណង់ ១៦ នាក់ចូលរួម។ សម្រាប់ការប្រកួតលើកទីមួយនេះ កម្មវិធីបានយកវិញ្ញាសាបូកស៊ីម៉ងត៍ ធ្វើជាអ្នកនាំមុខ និងរកឃើញជយលាភី ដើម្បីទៅប្រកួតនៅវគ្គផ្ដាច់ព្រ័ត្រហើយ។
វិញ្ញាសាផ្នែកបូកស៊ីម៉ងត៍នេះ គឺជាផ្នែកមួយនៃកម្មវិធីបណ្ដុះបណ្ដាលជាងសំណង់ ផ្ដួចផ្ដើមដោយក្រុមហ៊ុន SCG ដែលជាពហុសាជីវកម្មឈានមុខគេមួយនៅក្នុងតំបន់អាស៊ាន។
លោក ពង់ថាណា ដេវីតាយ៉ាផន នាយកផ្នែកលក់ និងទីផ្សាររបស់ក្រុមហ៊ុន SCG បានមានប្រសាសន៍ថា៖ "ការប្រកួតជាងសំណង់ គឺជាផ្នែកមួយនៃកម្មវិធីបណ្ដុះបណ្ដាលជាងសំណង់ ដែលយើងមានបំណងអភិវឌ្ឍជំនាញរបស់ជាងសំណង់ ហើយបង្កើនឱកាសដល់ពួកគាត់ក្នុងការរកប្រាក់ចំណូលឲ្យបានច្រើនជាងមុន។ បន្ទាប់ពីបានឆ្លងកាត់វគ្គបណ្ដុះបណ្ដាលរួចហើយ ជាងសំណង់នឹងមានសិទ្ធិចូលរួមក្នុងការប្រកួត។ នេះជាឱកាសដែលពួកគាត់អាចបង្ហាញពីជំនាញ និងសមត្ថភាពរបស់ខ្លួនឲ្យម្ចាស់លំនៅឋាន និងក្រុមហ៊ុនអចលនទ្រព្យនានាបានឃើញ។ ទន្ទឹមនឹងនេះ ជាងសំណង់នឹងមានឈ្មោះបោះសំឡេង ដែលធ្វើឲ្យគេទទួលបានការងារកាន់តែច្រើនថែមទៀត។
ការប្រកួតវគ្គជម្រុះតាមខេត្តសម្រាប់ផ្នែកបូកស៊ីម៉ងត៍នឹងប្រព្រឹត្តទៅនៅតាមទីរួមខេត្តសំខាន់ៗក្នុងប្រទេស ក្នុងពេលប៉ុន្មានខែខាងមុខ។ ជយលាភីពីវគ្គជម្រុះតាមខេត្ត នឹងចូលរួមការប្រកួតវគ្គផ្ដាច់ព្រ័ត្រ នៅរាជធានីភ្នំពេញនាចុងឆ្នាំ។
អ្នកចូលរួមនឹងប្រើប្រាស់ផលិតផលមានគុណភាពខ្ពស់ គឺស៊ីម៉ងត៍ K-Cement សម្រាប់ការប្រកួតផ្នែកបូក ហើយប្រើប្រាស់ក្បឿង SCG ដើម្បីប្រកួតប្រក់ដំបូល។ បេក្ខជនដែលចូលរួមនឹងទទួលបានវិញ្ញាបនបត្រពីកម្មវិធីបណ្ដុះបណ្ដាល ហើយជយលាភីសម្រាប់ការប្រកួតវគ្គផ្ដាច់ព្រ័ត្រនឹងទទួលបានរង្វាន់ជាទឹកប្រាក់ ២ លានរៀល និងបានចូលរួមក្នុងដំណើរទស្សនកិច្ចអប់រំទៅប្រទេសថៃ។
កម្មវិធីខាងលើនេះ បង្កើតឡើងក្នុងគោលបំណងអភិវឌ្ឍជំនាញរបស់ជាងសំណង់ លើកកម្ពស់គុណភាពសំណង់ និងអភិវឌ្ឍឧស្សាហកម្មសំណង់។ គម្រោងនេះនឹងជួយឲ្យម្ចាស់លំនៅឋាន ឬក្រុមហ៊ុនអភិវឌ្ឍអចលនទ្រព្យមានលទ្ធភាព កាន់តែទូលំទូលាយក្នុងការស្វែងរកជាងសំណង់ជំនាញដែលត្រឹមត្រូវសម្រាប់គម្រោងរបស់ខ្លួន ហើយទន្ទឹមនឹងនេះក៏នឹងជួយបង្កើនប្រាក់ឈ្នួលដល់ជាងសំណង់ខ្លួនឯងដែរ។
ក្រុមហ៊ុន SCG បានចាប់ផ្ដើមអនុវត្តកម្មវិធីបណ្ដុះបណ្ដាលជាងសំណង់កាលពីខែកុម្ភៈ ឆ្នាំ ២០១៨ ដោយសហការជាមួយវិទ្យាស្ថានជាតិពហុបច្ចេកទេសកម្ពុជា (NPIC) និងវិទ្យាស្ថានអភិវឌ្ឍន៍មុខជំនាញ កម្ពុជា-ថៃ (CTSDI) ដើម្បីរៀបចំកម្មវិធីបណ្ដុះបណ្ដាលស្ដីពីការប្រើប្រាស់ឲ្យបានត្រឹមត្រូវនូវផលិតផល និងសម្ភារសំណង់ទំនើបថ្មីៗ។
កម្មវិធីបណ្ដុះបណ្ដាលនេះ បើកទ្វារសម្រាប់ជាងសំណង់ដែលចាប់អារម្មណ៍ទាំងអស់អាចដាក់ពាក្យបានដោយទាក់ទងទៅកាន់លេខ ០៩៥-៩៩៩-៥០០ ឬតាមរយៈទំព័រ Facebook របស់ SCG ដោយពុំបាច់បង់ថ្លៃឈ្នួលបណ្ដុះបណ្ដាល ឬថ្លៃឈ្នួលដាក់ពាក្យឡើយ៕