មានរឿងក្តៅកើតឡើងនៅឥណ្ឌា ក្រោយ WhatsApp ចូលមកដល់

2018-07-26 02:52:49
ចំនួនមតិ 0 | ចំនួនចែករំលែក 0

ចន្លោះមិនឃើញ

សេវាកម្មទូរគមនាគមន៍និងប្រព័ន្ធប្រើប្រាស់ចាស់កម្រិលនឹងត្រូវបាត់បង់ក្នុងប្រទេសឥណ្ឌា ក្រោយវត្តមានរបស់ WhatsApp បានឈានចូលមកដល់។ ការវិវត្តមុខងារប្រើប្រាស់ពិសេសៗលើ WhatsApp កាន់តែធំទូលាយឡើង ក្រោយក្រុមហ៊ុនយក្ស Facebook បានទិញយកកាលពីឆ្នាំ ២០១៤ ក្នុងតម្លៃ ១៩ ពាន់លានដុល្លារ។

សរុបជារួមមានសេវាកម្មប្រើប្រាស់ ៧ ត្រៀមនឹងបាត់បង់ក្នុងប្រទេសឥណ្ឌា បន្ទាប់ពីភាពល្បីល្បាញរបស់ WhatsApp កាន់តែកក្រើកឡើង។

១.SMS:

ប្រព័ន្ធផ្ញើសារ SMS ចេញពីទូរសព្ទដៃ កាន់តែខ្សត់អ្នកប្រើប្រាស់ឬត្រឹមតែជាជំនួយការទី ២ ពេលគ្មានអ៊ីនធឺណិតប្រើ។

២.MMS:

ការផ្ញើសារជារូបភាព ក៏មិនអាចយកឈ្នះ Multimedia Chat របស់ WhatsApp បាននោះដែរ ពោលគឺប្រព័ន្ធទំនាក់ទំនងចាស់កម្រិលមួយនេះ អាចថាផុតពូជយូរណាស់ទៅហើយ។

៣.BBM:

កម្មវិធីផ្ញើសារ BlackBerry Messenger របស់ក្រុមហ៊ុន BlackBerry បង្កើតនាឆ្នាំ ២០០៥ ប៉ុន្តែវត្តមានរបស់ WhatsApp មកដល់ សេវាកម្មនៃក្រុមហ៊ុនមានដើមកំណើតក្នុងប្រទេសកាណាដាក៏ត្រូវបញ្ចប់។

៤.Yahoo Messenger:

ក្មេងជំនាន់ ៩០ នរណាដែលថាមិនស្គាល់ Yahoo Messenger ថ្វីបើបច្ចុប្បន្ននៅបន្តមានអ្នកប្រើ ប៉ុន្តែស្ថិតក្រោមតួលេខទាបបំផុត។

៥.Viber:

អតីតកាល Viber ជាកម្មវិធី Call លើ Online ពេញនិយមបំផុតនៅឥណ្ឌា ប៉ុន្តែប៉ុន្មានឆ្នាំចុងក្រោយនេះភាពល្បីល្បាញបានធ្លាក់ចុះយ៉ាងគំហុក។

៦.WeChat:

ថ្វីបើបន្តជោគជ័យក្នុងប្រទេសចិន ប៉ុន្តែកំណើនអ្នកប្រើប្រាស់នៅទីផ្សារយក្សឥណ្ឌា នៅមានកម្រិតទាបបំផុត។

៧.កម្មវិធីប្រភេទ Video-calling:

មុខងារ Video Calling ទទួលស្គាល់ថា WhatsApp មិនជាទទួលបានការសាទរខ្លាំងពីអ្នកប្រើប្រាស់នោះឡើយ ប៉ុន្តែក៏ជាចំណែកនៃគូប្រជែងទៅលើ Skype ដែលបន្តភាពល្បីល្បាញ ក៏ដូចជា Google Duo អាចនឹងពិបាកបន្តិចក្នុងការប្រជែង។