អាចទៅរួចទេ បច្ចេកវិទ្យាកំពុងបំផ្លាញចំណងមិត្តភាព?
- 2018-08-05 02:26:00
- ចំនួនមតិ 0 | ចំនួនចែករំលែក 0
អាចទៅរួចទេ បច្ចេកវិទ្យាកំពុងបំផ្លាញចំណងមិត្តភាព?
ចន្លោះមិនឃើញ
បច្ចេកវិទ្យាមានស្ទើរគ្រប់ទីកន្លែង មានតម្រូវការប្រើប្រាស់ច្រើនសម្រាប់ការរស់នៅប្រចាំថ្ងៃ។ ក្នុងនោះក៏បាន ជួយភ្ជាប់យើងទៅកាន់មនុស្សជាច្រើនផងដែរ ទាំងស្គាល់ និងមិនដែលស្គាល់។ ការបង្កើត ឬបង្កើនចំណងមិត្តភាពដោយជួបផ្ទាល់ៗ ផ្ដល់អត្ថន័យជ្រាលជ្រៅ ពេលបច្ចេកវិទ្យាជ្រៀតចូល តិចឬច្រើននឹងប៉ះពាល់ដល់ទំនាក់ទំនង។
១) ញៀននឹងវីដេអូហ្គេម បើដៃគូចំណាយពេលច្រើនពេកលេងហ្គេម នោះហើយជាសញ្ញាគួរឲ្យបារម្ភ។
ការសិក្សាបង្ហាញថា ដៃគូ ចំណាយពេលលេងហ្គេមកាន់តែច្រើន ពេលវេលានៅជាមួយគ្នាកាន់តែតិច។ ដូច្នេះគួរមានការយកចិត្តទុកដាក់លើពេលវេលាបានចំណាយលើវីដេអូហ្គេមប្រចាំថ្ងៃ។
ល្អបំផុត គួរដើរលេងកម្សាន្ត ទទួលទានអាហារជុំគ្នា ដោយមិនមានស្មាតហ្វូននៅក្បែរ (លេងហ្គេម) ។ នេះអាចកាត់បន្ថយការញៀន ក៏ដូចជាពង្រឹងចំណងមិត្តភាពបាន។
២) ញៀននឹងស្មាតហ្វូន ការញៀននឹងទូរសព្ទ ហាក់មានភាពសាមញ្ញទៅហើយ បច្ចុប្បន្ននេះ។ មនុស្សភាគច្រើនចង់កាត់បន្ថយ តែមិនងាយស្រួលនោះឡើយ។ ស្មាតហ្វូនបានក្លាយជាតម្រូវការមួយ សម្រាប់ប្រើប្រាស់ប្រចាំថ្ងៃ។ តែបើប្រើដល់ញៀន អាចប៉ះពាល់ដល់ទំនាក់ទំនងបាន។ ចំណាយពេលជាមួយគ្នា តែបែរជាកាន់ស្មាតហ្វូនរៀងៗខ្លួនទៅវិញ។
៣) ការទាក់ទងគ្នាតាម Online បណ្ដាញសង្គម ផ្ដល់ផ្លូវបង្កើតទំនាក់ទំនងបង្កើតមិត្តភក្តិថ្មី តែក៏ផ្ដល់ផលអវិជ្ជមានដល់ចំណងមិត្តភាពមានស្រាប់ផងដែរ។ ពេលដៃគូចង់ជជែកជាមួយ តែអ្នកបែរជារវល់ជជែកជាមួយអ្នកដទៃតាម Online នេះបង្ហាញការចាប់អារម្មណ៍ធ្លាក់ចុះដល់ចំនុចសូន្យ។
៤) អ្នកចែករំលែកច្រើនពីជីវិតផ្ទាល់ខ្លួនលើបណ្ដាញសង្គម មានការបង្ហោះច្រើនពីព័ត៌មានលម្អិតទាក់ទងនឹងជីវិតផ្ទាល់ខ្លួនលើបណ្ដាញសង្គម មានទាំងការសោកសៅ និងសប្បាយ។ ការបង្ហាញព័ត៌មានពេញលេញបែបនេះ អាចបង្កបញ្ហាច្រើនពេលក្រោយ។
គួរជៀសជាងបង្ហោះពីការប៉ះទង្គិច (ឈ្លោះប្រកែកគ្នារវាងដៃគូ) ដោយជំនួសមកវិញនូវរូបភាពបែបសប្បាយៗវិញ (បើចង់បង្ហោះ)។
៥) ភាពស្និទ្ធស្នាល បច្ចេកវិទ្យាអាចបំផ្លាញភាពស្និទ្ធស្នាលបាន ដោយសារបាត់បង់ការប្រាស្រ័យទាក់ទងគ្នាពិតប្រាកដ។ ខណៈពេលដៃគូចង់មានឱកាសស្និទ្ធស្នាលជាមួយ អ្នកបែររវល់ប្រើ Laptop។
៦) ការធ្លាក់ទឹកចិត្ត ប្រើប្រាស់បណ្ដាញសង្គមច្រើនពេក ជាលទ្ធផលអាចធ្វើឲ្យមនុស្សមានអារម្មណ៍អវិជ្ជមានលើខ្លួនឯង។
៧) ធ្វើឲ្យអ្នកកម្រចំណាយពេលជាមួយដៃគូ បច្ចេកវិទ្យាធ្វើឲ្យអ្នកចំណាយពេលតិច ជាមួយដៃគូ។ ភាពស្និទ្ធស្នាល ស្រស់ស្អាត របស់ដៃគូ កំពុងត្រូវបានកាត់បន្ថយដោយបច្ចេកវិទ្យា ដែលគួរមានការគិតគូរឡើងវិញ៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ