កូនខ្មែរនៅអាមេរិក ប្រាប់គន្លឹះជោគជ័យ ក្នុងជំនាន់ Startup ខ្លាំងដូច Facebook
- 2018-08-06 06:50:00
- ចំនួនមតិ 0 | ចំនួនចែករំលែក 0
កូនខ្មែរនៅអាមេរិក ប្រាប់គន្លឹះជោគជ័យ ក្នុងជំនាន់ Startup ខ្លាំងដូច Facebook
ចន្លោះមិនឃើញ
ការផ្ដើមគំនិតធ្វើជំនួយ ឬភាគច្រើនស្គាល់ថា Startup idea ជាអ្វីដែលប្រជាជន នៃប្រទេសជាច្រើននៅក្នុងពិភពលោក រួមនឹងប្រទេសកម្ពុជា កំពុងផ្ដោតចាប់អារម្មណ៍។
អ្នកខ្លះមិនត្រឹមតែស្គាល់ទេ ប៉ុន្តែពួកគេបានឆ្លងកាត់ និងទទួលបានបទពិសោធន៍ ជោគជ័យ និងខ្លះបរាជ័យ ដោយសារតែហេតុផលខុសគ្នា។
ក្នុងកិច្ចសម្ភាសជាមួយ Sabay កូនខ្មែរមួយរូប ដែលបច្ចុប្បន្នកំពុងរស់នៅសហរដ្ឋអាមេរិក បានចែករំលែកគន្លឹះ Startup សំខាន់នានា ដើម្បីឲ្យអាជីវកម្មផ្ដើមដោយជោគជ័យ ជាក់ស្ដែងដូច Facebook ជាដើម។
នោះគឺលោក យី សុជាតិ ជាវិស្វករជំនាញផ្នែក Softwear ជាអតីតបុគ្គលិកជាន់ខ្ពស់ នៃក្រុមហ៊ុន Microsoft នៅសហរដ្ឋអាមេរិក។ លោកបានរស់នៅ និងធ្វើការនៅទីនោះ ប្រមាណ១៣ឆ្នាំ។
ក្រៅពីជំនាញដែលអាចបានចំណូលច្រើននៅបរទេស លោកបានសិក្សា និងធ្វើការ ស្រាវជ្រាវបន្ថែម អំពី Startup ដែលជាគំនិតនៃរបរមួយ កំពុងតែពេញនិយមនៅអាមេរិក និងប្រទេសនានាជុំវិញពិភពលោក។
លោក យី សុជាតិ បានបញ្ជាក់ថា Startup ជាប្រភេទគំនិត នៃការផ្ដើមធ្វើអ្វីមួយ ដែលចាប់ផ្ដើមពីខ្លួនឯង ឬជាក្រុម ដើម្បីដោះស្រាយលើបញ្ហាមួយថ្មី ដែលមិនទាន់មានអ្នករកឃើញ។
មានគន្លឹះសំខាន់ត្រូវដឹង មុនចាប់ផ្ដើមដំណើរការ មិនមែនឃើញគេរកបាន យើងទៅធ្វើតាមគេទេ។
ករណីដូច បុគ្គលិកក្រុមហ៊ុន Facebook ដែលបានទទួលជោគជ័យខ្លាំង បន្ទាប់ពីដំណោះស្រាយបញ្ហាដែលជាតម្រូវការដ៏សំខាន់ ហើយ Social Media ផ្សេងមិនទាន់មាន សម្រាប់ពិភពលោកទាំងមូល។
តាមរយៈវីដេអូ ខាងក្រោម លោក យី សុជាតិ បានបកស្រាយលម្អិត អំពីគន្លឹះ Startup ជោគជ័យទាំងនោះ ដោយមានភ្ជាប់ជាមួយឧទាហរណ៍ ដើម្បីងាយយល់។