គួរឲ្យស្ងើចសរសើរ! ស្នាដៃថ្មីមួយរបស់និស្សិតន័រតុន ឈ្នះពាននិងមេដាយ ១០ ពីអន្តរជាតិ

2018-08-08 03:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដោយការខិតខំប្រឹងប្រែង ស្នាដៃថ្មីរបស់និស្សិតផ្នែកវិស្វកម្មអគ្គិសនី និងអេឡិចត្រូនិចនៃសាកលវិទ្យាល័យន័រតុន មានឈ្មោះថា “ប៉ោលយោងពិសោធន៍សម្រាប់សិស្សវិទ្យាល័យ” ត្រូវបានបង្កើតឡើងដោយ និស្សិត គុជ ប៊ុណ្ណារាជ, សា សុគ្រី, ប៉ូលី ភារី ដឹកនាំដោយលោកសាស្ត្រចារ្យ ចាន់ មិថុនា បានឈ្នះមេពានដែលមិននឹកស្មានដល់ជាច្រើនគួរឲ្យស្ងើចសរសើរ។

ក្រុមនិស្សិតនិងសាស្ត្រចារ្យ | រូបភាព៖ SoKry Skr

សរុបលទ្ធផលដែលគម្រោងដ៏ពិសេសមួយនេះ ទទួលបានពីការប្រកួតប្រជែងព្រឹត្តិការណ៍អរន្តរជាតិធំៗទាំង ៣ សរុបមាន ៧ មេដាយនិងពាន ៣ គឺ៖

#លើកទីមួយ៖

ការប្រកួតក្នុងព្រឹត្តិការណ៍ i-ENVEX 2018 នៅម៉ាឡេស៊ី ដែលមាន ១៦ ប្រទេសចូលរួមនិងមាន ៤១០ គម្រោង ជាលទ្ធផលទទួលបាន៖

១) មេដាយ មាស ១ ក្នុងកម្មវិធី i-ENVEX
២) មេដាយ ពិសេស ១ ពីស្ថាបន WiiPA តៃវ៉ាន់
៣) មេដាយ ពិសេស ១ ពីប្រទេសកូរ៉េខាងត្បូង

រូបរាងប៉ោលយោងពិសោធន៍សម្រាប់សិស្សវិទ្យាល័យ

#លើកទីពីរ៖

ការប្រកួតក្នុងព្រឹត្តិការណ៍ European Exhibition of Creativity and Innovation (EUROINVENT 2018) នៅប្រទេសរ៉ូម៉ានា មាន ៣៣ ប្រទេស មាន ៥៧០គម្រោង ជាលទ្ធផលទទួលបាន៖

១) មេដាយ មាស ១ពីស្ថាប័ន EUROINVENT
២) ពានរង្វាន់ពិសេស ១ ពី Lucian Blaga University of Sibiu នៃប្រទេសរ៉ូម៉ានា

#លើកទីបី

រូបរាងប៉ោលយោងពិសោធន៍សម្រាប់សិស្សវិទ្យាល័យ

ការប្រកួតក្នុងព្រឹត្តិការណ៍ World Invention Creativity Olympic 2018 (WICO 2018) នៅទីក្រុងសេអ៊ូល ប្រទេសកូរ៉េខាងត្បូង) ដែលមាន ២១ ប្រទេសចូលរួម ស្នាដៃចូលរួមសរុបចំនួន ២២៦ លទ្ធផលកម្ពុជាទទួលបានគឺ៖

១) មេដាយមាស ចំនួន១ពី WICO ដែលរៀបចំឡើងដោយ Korea University Invention Association
២) មេដាយមាសពិសេសពីប្រទេស តៃវ៉ាន់ នៃស្ថាប័ន wiiPA
៣) ពានរង្វាន់ពិសេស១ ពីស្ថាប័ន Macao Innovation & Invention Association
៤) ពានរង្វាន់ពិសេស១ ពីវិទ្យាស្ថានបច្ចេកវិទ្យា Sri Ramakrishna នៃប្រទេសឥណ្ឌា
៥) ពានរង្វាន់ពិសេស១ ពីវិទ្យាស្ថានស្រាវជ្រាវ សំរាប់ការអប់រំនៃការឆ្នៃប្រឌិត នៃប្រទេសវៀតណាម

ក្រុមនិស្សិតនិងសាស្ត្រចារ្យ | រូបភាព៖ SoKry Skr

ដូចនេះបើសរុបទាំង ៣ លើកគឺឈ្នះពាននិងមេដាយចំនួន ១០ ពានសម្រាប់គម្រោងឈ្មោះថា “ប៉ោលយោងពិសោធន៍ សម្រាប់សិស្សវិទ្យាល័យ”។

លោកសាស្រ្តាចារ្យ ចាន់ មិថុនា ក៏បានលើកឡើងថា "អ្វីដែលអាចឱ្យយើងទទួលបានស្នាដៃល្អបែបនេះ មកពីការបង្កើតរបស់មកមិនមែនសម្រាប់ភាពអស្ចារ្យនោះទេ តែបង្កើតមកឱ្យចំគោលដៅ ដែលអាចប្រើប្រាស់ និងបម្រើសង្គមជាតិបាន។"

ទាំងនេះសរបញ្ជាក់ថាក្រៅពីបណ្ដុះបណ្ដាលធនធានមនុស្ស សាកលវិទ្យាល័យ ន័រតុនបាននឹងកំពុងរៀបចំគម្រោងដើម្បី បង្កើតនូវឧបករណ៏នេះក្នុងគោលបំណង ជំនួយឧបត្ថម្ភដល់វិទ្យាល័យមួយចំនួននៅកម្ពុជាផងដែរ៕