គ្រូជម្រើសជាតិថ្មី នឹងចាប់ផ្ដើមកោះហៅកីឡាករ ថ្ងៃទី៣ខែកញ្ញាខាងមុខនេះ
- 2018-08-23 01:51:53
- ចំនួនមតិ 0 | ចំនួនចែករំលែក 0
គ្រូជម្រើសជាតិថ្មី នឹងចាប់ផ្ដើមកោះហៅកីឡាករ ថ្ងៃទី៣ខែកញ្ញាខាងមុខនេះ
ចន្លោះមិនឃើញ
ក្រុមបាល់ទាត់ជម្រើសជាតិកម្ពុជា នឹងចាប់ផ្ដើមប្រមូលផ្ដុំនៅថ្ងៃទី៣ខែកញ្ញាខាងមុខ ដែលជាថ្ងៃត្រូវតាមកាលវិភាគរបស់ FIFA ផ្ទាល់តែម្ដង ត្រៀមប្រកួតមិត្តភាពអន្តរជាតិ។
លោក Felix Agustin Gonzalez Dalmas ដែលត្រូវបានគេដឹងថាជាគ្រូបង្វឹកថ្មីរបស់ជម្រើសជាតិកម្ពុជា ក្រោមការដឹកនាំរបស់ Keisuke Honda នោះ បានទៅមើលសមត្ថភាពកីឡាករកាលពីចុងសប្ដាហ៍មុន។ ខណៈដែលបច្ចុប្បន្ននេះ កំពុងតែពិចារណានៅឡើយ ក្នុងការជ្រើសរើសកីឡាករឱ្យជាប់ជម្រើសជាតិនាពេលខាងមុខនេះ។ លោក Felix នៅមានឱកាសមើលជើងកីឡាករបានទៀតនាចុងសប្ដាហ៍នេះ ដែលក្រុមទាំងអស់នឹងត្រូវលេងលីគកំពូលកម្ពុជាសប្ដាហ៍ទី១៩។
បើតាមប្រភពពីខាងសហព័ន្ធកីឡាបាល់ទាត់កម្ពុជា ក្រុមជម្រើសជាតិនឹងត្រូវប្រកាសឈ្មោះនៅថ្ងៃទី៣ខែកញ្ញាខាងមុខនេះ ដើម្បីត្រៀមខ្លួនលេងប្រកួតមិត្តភាពជាមួយក្រុមម៉ាឡេស៊ីនៅថ្ងៃទី១០ខែកញ្ញាឆ្នាំ២០១៨។ ដោយឡែក ចំពោះរឿង Honda បានមកមើលការប្រកួតផ្ទាល់ឬយ៉ាងណានោះ សហព័ន្ធមិនទាន់អាចបញ្ជាក់បាននៅឡើយទេ ព្រោះបច្ចុប្បន្នអតីតកីឡាករជម្រើសជាតិជប៉ុនកំពុងលេងឱ្យក្លឹបអាជីពនៅអូស្ត្រាលី៕