អ៊ែមណាស់ សង្វៀនប្រដាល់ថ្មីមួយទៀតហើយ Live ម្ដង៣ទូរទស្សន៍

2018-08-29 06:42:01
ចំនួនមតិ 0 | ចំនួនចែករំលែក 0

ចន្លោះមិនឃើញ

សង្វៀនប្រដាល់គុនខ្មែរថ្មីលេចជារូបរាងមួយទៀតហើយ នៅទូរទស្សន៍ CTN ដោយលើកនេះ រាល់ការប្រកួតនឹងធ្វើការផ្សាយផ្ទាល់ទៅ៣ប៉ុស្តិ៍តែម្ដង សម្រាប់បំពេញតម្រូវការទស្សនាដល់អ្នកនិយមប្រដាល់គុនខ្មែរ។

ទិដ្ឋភាពព្រឹកមិញ

លោក ស៊ីថូ ណាថាន់ ប្រធានក្រុមកីឡារបស់ CBS បានឲ្យដឹងថា សង្វៀនថ្មីដែលខាងស្ថានីយរបស់លោកបង្កើតឡើងនេះមានឈ្មោះ «ប្រដាល់អន្តរជាតិខារ៉ាបាវ ដណ្ដើមប្រាក់លាន» ហើយនឹងធ្វើឡើងរៀងរាល់រសៀលថ្ងៃសៅរ៍ចាប់ពីម៉ោង ២ដល់៤ តទៅ។

ទិដ្ឋភាពព្រឹកមិញ

ពិធីករពូកែវោហារស័ព្ទរូបនេះបន្ថែមថា ទូរទស្សន៍ដែលជាគោលនៃការផ្សាយនេះ គឺ CTN ហើយ CNC និង MYTV ជាអ្នកផ្សាយបន្ត។ មូលហេតុចម្បង ដែលខាងលោករៀបចំឲ្យមានការផ្សាយម្ដងទាំង៣បែបនេះ គឺចង់ឲ្យមហាជនបានដឹងថា CTN មានកម្មវិធីប្រដាល់វិញហើយ និងចង់បំពេញនូវការទស្សនាឲ្យបានច្រើនបន្ថែមទៀតពីអ្នកគាំទ្រផ្សេងៗទូទាំងប្រទេស។ ក្រៅពីនេះទៀត ក៏មានផ្សាយតាមហ្វេសបុកទាំង៣របស់ទូរទស្សន៍ទាំងនោះទៀត វាជាការជួយផ្សព្វផ្សាយគុនខ្មែរបានមួយផ្នែកទៀតទៅដល់ពិភពលោក ឲ្យគេបានស្គាល់ រីកសុះសាយបន្ថែមតាមរយៈប្រកួតនេះដែរ។

កម្មវិធីប្រកួត(ហ្វេសបុក)

គូរពិសេសដែលនឹងត្រូវឡើងបើកឆាកថ្មីដំបូងនៃកម្មវិធីប្រដាល់អន្តរជាតិខារ៉ាបាវដណ្ដើមប្រាក់លាននាថ្ងៃទី១ ខែកញ្ញា ឆ្នាំ២០១៨នេះរួមមាន ម៉ោញ វាសនា ប៉ះ រតនា លីតក់ ឡុង រ៉ាមី ប៉ះ សៅ ប៊ុនធឿន លី ភា ប៉ះ ភិត ណយ នន់ ជំនិត ប៉ះ ទេស សំខាន់ និង ផាន់ គ្រាន់ ប៉ះ ចេកនួន៕

អត្ថបទ៖ នួន ស៊ីណា