ថតបានអាចម៍ផ្កាយធ្លាក់ស្ដែងៗនៅអូស្ដ្រាលី បង្កចម្ងល់ពេញអ៊ីនធឺណិត (មានវីដេអូ)

2018-08-30 06:25:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាជនជនជាច្រើននាក់រស់នៅទីក្រុង Perth ប្រទេសអូស្ត្រាលី បានថតសកម្មភាពដុំភ្លើងមួយធ្លាក់ចុះពីលើមេឃមកកាន់ផែនដីកាលពីយប់ថ្ងៃអង្គារទី ២៨ខែសីហាកន្លងទៅ។

យោងតាមអ្នករស់នៅក្នុងតំបន់ម្នាក់គឺលោក Bejay Walker ឲ្យដឹងថាលោកបានឃើញដុំភ្លើងមួយហោះចុះពីលើមេឃនៅវេលាម៉ោងប្រហែល ៧:៤០នាទីល្ងាចម៉ោងក្នុងតំបន់។ លោកពិតជាមានសំណាងណាស់ដែលបានឃើញទិដ្ឋភាពនេះផ្ទាល់ និងថតបានព្រឹត្តិការណ៍ទាំងស្រុងតាមរយៈកាម៉េរាក្នុងឡាន។ ដោយឡែកយោងតាមប្រភពផ្សេងទៀតពី ABC News ឲ្យដឹងថាដុំភ្លើងនេះ ត្រូវបានគេជឿថាជាដុំអាចម៍ផ្កាយធ្លាក់មកលើផែនដី។

យ៉ាងណាក៏ដោយ ឥឡូវនេះក្រុមអ្នកវិទ្យាសាស្ត្រកំពុងបើកការស៊ើបអង្កេតថាតើវាពិតជាធ្លាក់មកលើផែនដីមែនឬយ៉ាងណា បើដូច្នេះមែនពួកគេនឹងត្រូវរកទីតាំងរបស់វាឲ្យឃើញ។ ហេតុការណ៍នេះ បានធ្វើឲ្យមានចម្ងល់យ៉ាងច្រើនពីអ្នកប្រើប្រាស់បណ្ដាញសង្គមអូស្ត្រាលី ថាតើវាមានទំហំពិតប៉ុណ្ណា, ធ្វើដំណើរក្នុងល្បឿនប៉ុន្មាន ហើយមកពីផ្នែកណាមួយនៃប្រព័ន្ធព្រះអាទិត្យ?

ចុចអាន ៖

ប្រភព៖ Channelnewsasia ប្រែសម្រួល ៖ រ័ត្ន