ប្រពន្ធ កែវ រំចង់ ស្រណោះប្ដីខ្លោចចិត្ត ពេលប្រកួតបែកម្ដងៗ

2018-09-25 04:53:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ភរិយារបស់កីឡាករ កែវ រំចង់ ស្រណោះ និងអាណិតប្ដីខ្លោចចិត្តនៅពេលឡើងប្រកួតម្ដងៗ ជាពិសេសនៅពេលឃើញចុះពីសង្វៀនទាំងមានរបួសអ្វីជាដើម។

អ្នកស្រី ហម នីតា

អ្នកស្រី ហម នីតា បានឲ្យដឹងថា អាជីពនេះមិនស្រួលទេ ទម្រាំបានជ័យជម្នះ ទម្រាំបានលុយ ត្រូវលំបាកច្រើនណាស់ ជាក់ស្ដែងដូចប្រកួតចុងក្រោយរបស់ប្ដីរបស់ខ្លួនអញ្ចឹងត្រូវបែកថ្ងាសនិងដេរប៉ុន្មានថ្នេរទៀតផង។

អ្នកគាំទ្រ

ប្រពន្ធជើងខ្លាំងមកពីបាត់ដំបងខាងលើនេះលើកឡើងទៀតថា អាណិតប្ដីណាស់នៅពេលប្រកួតរងរបួសម្ដងៗ សឹងតែលែងចង់ឲ្យឡើងប្រកួតទៀត។ ពេលដែលប្ដីម្ដងៗគឺបន់ស្រន់អស់ហើយ កុំឲ្យមានបញ្ហាអ្វីណាមួយ។ ដោយឥលូវវ័យកាន់តែច្រើនកម្លាំងក៏មិនដូចមុនផងនោះ ប្រពន្ធរបស់ រំចង់ មានគម្រោងបង្កើតមុខរបរថ្មីមួយនៅពេលខាងមុខ នឹងឲ្យប្ដីរយាលពីសង្វៀនខ្លះហើយ ព្រោះអាណិតណាស់។ មុនការប្រកួតនៅពេលឥលូវនេះ ជើងខ្លាំងចិត្តសឿងរូបនេះត្រូវហ្វឹកហាត់ខ្លាំងណាស់ ដូចជារត់១ថ្ងៃពីរដងឯណោះ បន្ទាប់មកត្រូវចូលស៊ីបទៀត។

កែវ រំចង់ កំពុងដេររបួស

បញ្ជាក់ផងដែរថា អ្នកស្រី ហម នីតា រៀបការជា កែវ រំចង់ ប្រហែល ៦-៧ឆ្នាំមកហើយ ដោយមានចំណងដៃកូនស្រី២នាក់នាពេលបច្ចុប្បន្ននេះ។ ប្រកួតចុងក្រោយរបស់ប្ដីអ្នកស្រី ផ្ដួលកីឡាករថៃឲ្យខូចជើងនៅទឹកទី៤ ប៉ុន្តែ រំចង់ ក៏រងរបួសបែកថ្ងាសខាងស្ដាំផងដែរ កាលពីថ្ងៃអាទិត្យ ទី២១ ខែកញ្ញា ២០១៨ នៅសង្វៀនបាយ័ន៕

អត្ថបទ៖ នួន ស៊ីណា