ភ្ញាក់ផ្អើល! ដឹងមូលហេតុ មហាសេដ្ឋីអង់គ្លេសនិងប្រពន្ធ ត្រូវគេសម្លាប់ក្នុងប្រទេសថៃ

2018-09-26 01:52:28
ចំនួនមតិ 0 | ចំនួនចែករំលែក 0

ចន្លោះមិនឃើញ

សាកសពរបស់មហាសេដ្ឋីអង់គ្លេសម្នាក់ និងប្រពន្ធរបស់លោក ត្រូវបានរកឃើញនៅភាគខាងជើងប្រទេសកាលពីដើមសប្ដាហ៍ដោយប៉ូលិសសង្ស័យថាជាការសម្លាប់គិតទុកជាមុន។

សាកសពរបស់លោក Alan Hogg វ័យ ៦៤ឆ្នាំ និងអ្នកស្រី Nod Sudddaen អាយុ ៦៤ឆ្នាំ ត្រូវបានរកឃើញនៅក្នុងខេត្ត Phrae។ យោងតាមប៉ូលិសឲ្យដឹងថាលោក Hogg មកពីទីក្រុង Edinburgh ត្រូវបានបាញ់សម្លាប់ខណៈពេលដែលប្រពន្ធរបស់លោក ត្រូវបានសម្លាប់ដោយវាយនឹងញញួរ។ ក្រោយពេលកើតហេតុ មនុស្សចំនួន ៣នាក់ ត្រូវបានចាប់ខ្លួនដែលត្រូវបានជួលឲ្យសម្លាប់ដោយប្អូនប្រុសរបស់អ្នកស្រី Nod Suddaen។

(លោក Alan Hogg និងប្រពន្ធនៅខាងស្ដាំដៃ ពេលទិញរថយន្តថ្មី)

ប៉ូលិសបន្ថែមថា "មូលហេតុនៅពីក្រោយការសម្លាប់នេះ គឺដោយសារតែជម្លោះផ្ទៃក្នុងគ្រួសាររ៉ាំរ៉ៃ និងគំនុំទាក់ទងរឿងទ្រព្យសម្បត្តិ។" ក្រោយមកទៀត ជនសង្ស័យទាំងអស់បានសារភាពថាខ្លួនពិតជាបានសម្លាប់មហាសេដ្ឋីរូបនេះ និងប្រពន្ធប្រាកដមែន។ ទោះយ៉ាងណាក៏ដោយ ស្ថានទូតអង់គ្លេសក្នុងប្រទេសថៃ មិនទាន់ធ្វើការបកស្រាយណាមួយទាក់ទងនឹងបញ្ហាខាងលើនោះទេ៕