ឡានវៀតណាមបង្ហាញមុខជាផ្លូវការ ជួលតាំងពី David Bechkam ឲ្យជួយផ្សាយ
- 2018-10-03 02:34:01
- ចំនួនមតិ 0 | ចំនួនចែករំលែក 0
ឡានវៀតណាមបង្ហាញមុខជាផ្លូវការ ជួលតាំងពី David Bechkam ឲ្យជួយផ្សាយ
ចន្លោះមិនឃើញ
រថយន្តរបស់ក្រុមហ៊ុនវៀតណាម Vinfast បានបង្ហាញមុខជាផ្លូវការលើឆាកអន្តរជាតិ ក្នុងកម្មវិធីតាំងពិព័រណ៍រថយន្ត Paris Motor Show កាលពីម្សិលមិញនេះ។
រថយន្តរបស់ក្រុមហ៊ុន Vinfast មានពីរម៉ូដែលគឺ LUX A2.0 ជាប្រភេទរថយន្ត Sedan និង LUX SA2.0 ជាប្រភេទ SUV។ រូបរាងរថយន្តទាំងពីរត្រូវបានឌីហ្សាញឡើងដោយក្រុមហ៊ុនឌីហ្សាញអ៊ីតាលីដ៏ល្បីឈ្មោះ Pininfarina។
ក្នុងកម្មវិធីប្រកាសចេញជាផ្លូវការនេះ ឃើញមានការចូលរួមពីសំណាក់បវរកញ្ញានៃប្រទេសវៀតណាមប្រចាំឆ្នាំ ២០១៨ រួមជាមួយ David Beckham ដែលជាអតីតកីឡាករបាល់ទាត់ដ៏ល្បីឈ្មោះមួយរូប។
រថយន្តទាំងពីរម៉ូដែលនេះមានប្រើប្រាស់ម៉ាស៊ីន Turbocharged ទំហំ ២,០ លីត្រ មាន ៤ ស៊ីឡាំង។ លើរថយន្ត LUX A2.0 មានជម្រើសម៉ាស៊ីនកម្លាំង ១៧៦ សេះ និង ២៣១ សេះ ចំណែក LUX SA2.0 មានតែប្រភេទកម្លាំង ២៣១ សេះប៉ុណ្ណោះ។ រថយន្តទាំងពីរប្រើប្រាស់ប្រអប់លេខស្វ័យប្រវត្តិ ៨ វគ្គ និងប្រើប្រព័ន្ធបើកបរវិលកង់មុខជាស្តង់ដារ ប៉ុន្តែក៏មានជម្រើសវិលកង់ទាំង ៤ ដែរ។
ក្រុមហ៊ុន Vinfast នឹងបញ្ចេញលក់រថយន្តទាំងពីរនៅលើទីផ្សារប្រទេសវៀតណាមមុនគេ នៅអំឡុងខែមិថុនា ឆ្នាំ ២០១៩ ខាងមុខ។ ក្រោយមកទៀតក្រុមហ៊ុនគ្រោងនឹងបញ្ចេញលក់លើទីផ្សារពិភពលោក៕
ចុចអាន៖