ត្រៀមហើយនៅ? ទៅយកសំបុត្រមើល កម្ពុជា-ទីម័រ Free យប់នេះ ឮថាមាន idol ច្រើនណាស់ចាំជួយគាំទ្រ

2018-10-12 04:37:47
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់មិនដល់ប៉ុន្មានម៉ោងទៀតទេ "ការប្រកួតមិត្តភាពអន្តរជាតិ Smart” រវាងកម្ពុជា និងទីម័រខាងកើត នៅពហុកីឡាដ្ឋានជាតិអូឡាំពិក នឹងឈានមកដល់ហើយ នាម៉ោង ៦:៣០ នាទីល្ងាចនេះទៅ។

ការប៉ះគ្នាជាលក្ខណៈមិត្តភាពលើកទី ២ ដែលកម្ពុជាធ្វើជាម្ចាស់ផ្ទះនេះ Smart ដែលជាអ្នកឧបត្ថម្ភធំបាននាំមកនូវកម្មវិធីកម្សាន្តដើម្បីឈ្នះរង្វាន់ជាច្រើនដូចជា សំបុត្រចូលមើលការប្រកួត បណ្តោងសោ មួក អាវយឺត និងប៊ិចយ៉ាងស្រស់ស្អាតជាច្រើនប្រភេទចាប់ពីម៉ោង ២ រសៀល ដល់ម៉ោង ៧ យប់។

ពិសេសជាងនោះ ក្រោយការប្រកួតតង់ទី១ នឹងមានការសម្ដែងពីតារាចម្រៀងល្បីៗជាច្រើនដូចជា ក្រុមតូច កញ្ចនា Nikki Nikki លោក P-Sand វណ្ណ ចេស្ដា និងសម្ដែងពិសេសពីក្រុមយុវជនស្ម័គ្រចិត្តទៀត។ ហើយពេលចប់ការប្រកួត ក៏នឹងមានការបាញ់កាំជ្រួចយ៉ាងអស្ចារ្យ ដើម្បីអបអរដល់ការជួបគ្នាជាថ្មីនេះផងដែរ។

សម្រាប់អ្នកដែលបំណងចង់ចូលរួមតែមិនទាន់មានសំបុត្រ អាចមកទទួលយកដោយឥតគិតថ្លៃបាននៅ Smart Booth ក្នុងពហុកីឡាដ្ឋានជាតិអូឡាំពិកផ្ទាល់ ចាប់ពីម៉ោង ២ ថ្ងៃត្រង់ ដល់ម៉ោង ៥ ល្ងាច។ ចាំអីទៀត? ចូលរួមគាំទ្រក្រុមជម្រើសជាតិកម្ពុជាទាំងអស់គ្នា ហើយកុំភ្លេចទៅឲ្យបានមុនណា៎! ព្រោះចំនួនសំបុត្រមានកំណត់៕

អត្ថបទទាក់ទង៖

ទស្សនារូបភាពការហាត់សម មុនប្រកួត