តោះមកដឹង ពាក្យប្រចាំត្រកូលរបស់ សុខ ធី តែងឆ្លើយទៅកាន់សារព័ត៌មាន...

2018-10-18 02:33:26
ចំនួនមតិ 0 | ចំនួនចែករំលែក 0

ចន្លោះមិនឃើញ

បើទោះជាគេមើលឃើញថា សុខ ធី ជាបេក្ខភាពលេចធ្លោ និងមានឱកាសច្រើនដែលអាចឡើងទៅជុំទី២ វគ្គពាក់កណ្ដាលផ្ដាច់ព្រ័ត្រពានរង្វាន់ ISI ក្ដី ប៉ុន្តែកីឡាកររូបនេះមិនដែលអួត ក៏ដូចជានិយាយអ្វីឲ្យហួសមុនការប្រកួតឡើយ។

កីឡាករ សុខ ធី

ចំណែកពាក្យដែលជើងខ្លាំងមកពីបន្ទាយមានជ័យខាងលើតែងតែនិយាយ ទៅកាន់អ្នកសួរខ្លួនផ្សេងៗ រួមទាំងអ្នកសារព័ត៌មានផងនោះគឺ «កីឡានេះមិនអាចប្រមាថគេទេ ភ្លាត់តែបន្តិចគឺចាញ់ ឬសន្លប់ហើយ ប៉ុន្តែនឹងខំប្រឹងឲ្យអស់ពីសមត្ថភាព ឈ្នះចាញ់មិនអាចថាទុកមុនបានទេ»។

សុខ ធី(ក្រហម)

យ៉ាងណាមិញចំពោះការសង្ឃឹមថាអាចឡើងទៅជុំទី២ សិស្សគុនលោក សាន សៅយ៉ាន់ រូបនេះថាក៏មានសង្ឃឹមដែរ ប៉ុន្តែនឹងខំប្រឹង ហើយចាំមើលប្រកួតជាក់ស្ដែងសិន ព្រោះបេក្ខភាពផ្សេងៗក៏គេល្អផងដែរ។

សុខ ធី ពេលឈ្នះថៃ

សុខ ធី ជាកូនសិស្សលោក សាន សៅយ៉ាន់ ជាអ្នកប្រដាល់មកពីខេត្តបន្ទាយមានជ័យ បច្ចុប្បន្នកំពុងមាន ៣ពិន្ទុក្នុងដៃ បន្ទាប់ពីយកឈ្នះកីឡាករថៃកាលពីថ្ងៃអាទិត្យ ទី១៤ ខែតុលា ឆ្នាំ២០១៨ កម្មវិធីកណ្ដាប់ដៃដែក ISI របស់សង្វៀន CNC៕

អត្ថបទ៖ នួន ស៊ីណា