Jose ព្រមាន Pogba ឱ្យប្ដូរក្បាច់២៨ជំហានមុនទាត់ប៉េណាល់ទីរបស់ខ្លួនទៅ

2018-10-29 03:49:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុម Manchester United បានយកឈ្នះលើក្រុម Everton ក្នុងលទ្ធផល ២-១ នាការប្រកួតយប់មិញ ហើយក៏បានបន្ធូរសម្ពាធរបស់លោក Jose Mourinho ផងដែរ។

២គ្រាប់ដែលធ្វើឱ្យក្រុមឈ្នះនោះ គឺ Pogba ប៉េណាល់ទី១គ្រាប់និង Martial ១គ្រាប់។ ១គ្រាប់របស់ Pogba ដែលជាគ្រាប់បើកឆាកនោះ សឹងតែបាត់ឱកាសទៅហើយ ព្រោះទាត់ត្រូវអ្នកចាំទីសង្គ្រោះ ប៉ុន្តែសំណាងអាចថែមចូលវិញបាន។ ចំពោះបច្ចេកទេសទាត់នេះដែរ ត្រូវបានលោក Jose គិតថាត្រូវប្ដូរចេញហើយ ព្រោះអ្នកចាំទីដឹងកន្លែងទាត់បាត់ទៅហើយ។

“ខ្ញុំពេញចិត្តឱ្យគាត់ទាត់ប៉េណាល់ទី ប៉ុន្តែប្រហែលជាគាត់ត្រូវប្ដូរវិធីសាស្ត្រទាត់ហើយ។ រត់២៨ជំហាន និងប្រើពេលដល់ទី៩វិនាទី អាចធ្វើឱ្យអ្នកចាំទីដឹងថាអ្នកទាត់ទៅខាងណាបាន។ អ្នកចាំទីដឹងក្បួននេះ គេមិនរត់ទៅណាទេ គឺគេចាំមើលការសម្រេចចិត្តរបស់យើង។ យើងត្រូវការ សម្រេចឱ្យលឿន និងទាត់ឱ្យលឿន ជាការគិតរបស់អ្នកចាំទី”។ សម្ដីរបស់លោក Jose Mourinho ៕