ហ៊ុន ចាន់រាជ ផ្ដល់គំនិតឱ្យ សុខ ធី ឈប់វៃសង្វៀនខ្មែរ ទៅវៃនៅថៃ និង One យកលុយទៅណាអស់

2018-10-29 04:34:57
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហ៊ុន ចាន់រាជ ម្ចាស់ក្លឹប Cambodia Top Team បានផ្ដល់យោបល់ឱ្យ សុខ ធី ឈប់វៃនៅសង្វៀនខ្មែរ ហើយទៅវៃនៅថៃ វិញល្អជាង ព្រោះនៅទីនោះគេឱ្យតម្លៃ។ មួយវិញទៀត បើទៅវាយនៅ One ជាមួយលោក ក៏យកលុយទៅណាមិនអស់ដែរ។

អ្នកប្រដាល់វ័យក្មេងរបស់កម្ពុជា សុខ ធី ត្រូវបានចៅក្រមកាត់ក្តីឲ្យចាញ់កីឡាករថៃ ធ្នូសឹកឡេក ដោយពិន្ទុក្នុងការប្រកួតលើកទី២ សន្សំពិន្ទុ ពានរង្វាន់នៅសង្វៀន CNC។ ការកាត់ក្ដីនេះ បានធ្វើឱ្យរូបគេ មិនពេញចិត្ត ហើយក៏បានដាក់ពាក្យតវ៉ាជាមួយលទ្ធផលនេះដែរ។ ប្រសិនបើមិនមានអ្វីប្រែប្រួលលើលទ្ធផលនេះទេ រូបគេប្រហែលពិចារណាដកខ្លួនចេញពីការប្រកួតពានរង្វាន់នេះហើយ។

ជាមួយគ្នានេះដែរ លោក ហ៊ុន ចាន់រាជ ដែលធ្លាប់នាំ សុខ ធី ទៅវាយនៅ One នោះ ក៏បង្ហាញអារម្មណ៍មិនពេញចិត្តនឹងលទ្ធផលដែរ។ ដោយបានសរសេរសារនៅលើ Facebook ថាចង់ឱ្យ សុខ ធី ឈប់វៃនៅសង្វៀនខ្មែរ ហើយទៅវាយនៅថៃវិញ ព្រោះថៃគេឱ្យតម្លៃជាងខ្មែរ។ លើសពីនេះ លោកក៏ចង់ឱ្យ សុខ ធី ទៅវាយនៅ One ជាមួយក្រុម Top Team ក៏យកលុយទៅណាមិនអស់ដែរ៕