ដៃគូជំនិត Steve Jobs លើកសរសើរ Apple រួចបាញ់ចំៗលើស្មាតហ្វូន Android

2018-11-16 11:47:50
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Steve Wozniak ត្រូវបានស្គាល់ជាស្ថាបនិកមួយដែលចូលរួមជាមួយ Steve Jobs ក្នុងការផ្ដួចផ្ដើមបង្កើតនូវក្រុមហ៊ុន Apple។ នាកិច្ចសម្ភាសន៍ជាមួយ CNBC បុរសវ័យ ៦៨ ឆ្នាំបានជជែកពីប្រធានបទមួយចំនួន រួមទាំងការយល់ឃើញពី Apple នាពេលបច្ចុប្បន្ន។

Woz បានសង្កត់ធ្ងន់ថាលោកពេញចិត្តការដែល Apple បន្តឲ្យមនុស្សឈរលើបច្ចេកវិទ្យាហើយក៏ជារឿងដែលលោក Steve Jobs ក៏នឹងមានមោទនភាពជាមួយ Apple មកទល់ថ្ងៃនេះ។ បុរសសញ្ជាតិអាមេរិកមានប្រសាសន៍ថា៖ "ខ្ញុំជឿថាគាត់ (Jobs) ក៏ពិតជារីករាយជាមួយក្រុមហ៊ុនមកទល់សព្វថ្ងៃ ព្រោះអតិថិជនចាំបាច់ត្រូវតែសំខាន់ជាងបច្ចេកវិទ្យា ពោលគឺអ្នកមិនសមក្លាយជាជនរងគ្រោះដោយសារសារបច្ចេកវិទ្យាទេ ប៉ុន្តែយើងត្រូវប្រើប្រាស់វាដើម្បីបំពេញការរស់នៅប្រចាំថ្ងៃ ជារួមនេះជាអ្វីដែល Steve តែងតែចង់បាន"។

លោកក៏បានលើកការប្រៀបធៀបដល់គូប្រជែងដទៃ ដោយយល់ថាពួកគេពុំមានការបង្កើតអ្វីដែលថ្មី ផ្ទុយទៅវិញត្រឹមតែជាមុខងារធ្វើឲ្យមនុស្សរីករាយតែប៉ុណ្ណោះ។ ជាឧទាហរណ៍លើប្រភេទស្មាតហ្វូន Android ភាគច្រើន អ្នកអាចបង្ហាញស្នាមញញឹមដើម្បីឲ្យកាមេរ៉ាចាប់ផ្តិតយករូបភាព។ Woz និយាយថាវាត្រឹមជា "មុខងារសប្បាយរីករាយ" ប៉ុន្តែពុំមែនជា "អ្វីដែលបង្កើតថ្មី" នោះទេ។

ការបង្កើតថ្មីដ៏ពិតប្រាកដ គឺអាចផ្លាស់ប្តូរការរស់នៅរបស់មនុស្ស ក្នុងឧទាហរណ៍សាមញ្ញមួយរបស់លោក ស្ថាបនិករូបនេះនឹកដល់ប្រព័ន្ធ Apple Pay ជាមួយ Touch ID ។ លោកប្រាប់ថា៖ "ក្រុមហ៊ុនដទៃបានត្រឹមតែចម្លងតាម Apple ដោយ Apple គឺជាក្រុមហ៊ុនដំបូងដែលបង្កើតប្រព័ន្ធទូទាត់ទំនិញងាយស្រួលបង្អស់ ដោយមិនចាំបាច់បើកទូរសព្ទ មិនចាំបាច់ដោះសោ មិនចាំបាច់ស្វែងរក App មិនចាំបាច់វាយបញ្ចូលកូដសម្ងាត់ Credit Card ជារួមអ្នកត្រឹមលើកទូរសព្ទដាក់លើឧបករណ៍មួយហើយដាក់ម្រាមដៃខាងលើនោះដើម្បីបញ្ជាក់ជាការស្រេច"។