នេះតម្លៃស្មាតហ្វូន Gamer មួយទៀត RAM ៨ GB លក់នៅទីផ្សារក្នុងស្រុក!

2018-11-19 07:25:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្មាតហ្វូន Gamer មួយម៉ូឌែលទៀតរបស់ក្រុមហ៊ុន Xiaomi គឺ Black Shark 2 ឬ Black Shark Helo ត្រូវបានប្រទះឃើញមានដាក់លក់នៅលើទីផ្សារក្នុងស្រុកហើយ កាលពីពេលថ្មីៗនេះ។

ចំពោះលក្ខណៈសម្បត្តិវិញ Black Shark Helo ក៏មានបំពាក់នូវប្រព័ន្ធបញ្ចុះកម្ដៅ Dual Pipe Liquid-Cooling ដែលអាចជួយបញ្ចុះកម្ដៅពេលលេងហ្គេមធំៗបានយ៉ាងមានប្រសិទ្ធភាព។ លើស្មាតហ្វូននេះក៏មានប៊ូតុង Shark Space ដោយពេលដំណើរការទៅ ជួយបង្កើនល្បឿនដល់ការលេងហ្គេម។

ដូចស្មាតហ្វូនកំពូលដទៃទៀតដែរ Black Shark Helo គឺមានបំពាក់ដោយបន្ទះឈីប Snapdragon 845 និងមានជម្រើស RAM/អង្គផ្ទុកទិន្នន័យ ចំនួនបីប្រភេទខុសៗគ្នា។

តាមប្រភពពីហាងលក់ទូរសព្ទធំមួយក្នុងក្រុងភ្នំពេញ សុខ លី បានឲ្យដឹងថា ស្មាតហ្វូន Gamer កម្លាំងខ្លាំងលេងហ្គេមមិនចេះទាក់នេះ មានជម្រើស 8 RAM ម៉េម៉ូរី 128GB តំលៃ ៦០៩ ដុល្លារ។

Black Shark Helo បំពាក់អេក្រង់ AMOLED ទំហំ ៦ អ៊ីញ អាចបង្ហាញរូបក្នុងកម្រិត Full HD កាមេរ៉ាភ្លោះខាងក្រោយកម្រិត ២០ MP + ១២ MP កាមេរ៉ាមុខកម្រិត ២០ MP ថ្មទំហំ ៤០០០ mAh អាចទ្រាំទ្រនឹងបច្ចេកវិទ្យាសាកថ្មឆាប់ពេញ មានរន្ធបំពងសំឡេងបែបស្តេរ៉េអូ៕

អត្ថបទ៖ រក្សា