គ្រូបង្វឹកកម្ពុជា មានមោទនភាពចំពោះអ្វីដែលក្រុមធ្វើបានកន្លងមកនេះ
- 2018-11-26 05:04:37
- ចំនួនមតិ 0 | ចំនួនចែករំលែក 0
គ្រូបង្វឹកកម្ពុជា មានមោទនភាពចំពោះអ្វីដែលក្រុមធ្វើបានកន្លងមកនេះ
ចន្លោះមិនឃើញ
លោក Felix Dalmas គ្រូបង្វឹកក្រុមជម្រើសជាតិកម្ពុជា បាននិយាយថាលោកមានមោទនភាពចំពោះអ្វីដែលក្រុមបានធ្វើ តស៊ូ រហូតដល់ចប់ការប្រកួតកន្លងមកនេះ។
កម្ពុជាបានបញ្ចប់ភារកិច្ចនៅ AFF Suzuki Cup 2018 នេះហើយ ដោយធ្លាក់ត្រឹមវគ្គចែកពូល។ ៤ប្រកួតកន្លងមករបស់កម្ពុជាគឺឈ្នះ១ និងចាញ់៣មាន៣ពិន្ទុស្ថិតនៅលេខរៀងទី៤។ ចំណែកឡាវស្ថិតនៅបាតតារាងមិនមានពិន្ទុរាប់ឡើយគឺចាញ់ទាំង៤ប្រកួត មីយ៉ាន់ម៉ាចុកឈាមជាងគេដោយចាញ់ម៉ាឡេស៊ីធ្វើឲ្យក្រុមនេះធ្លាក់ បន្ទាប់ពីឈ្នះ២ប្រកួត ស្មើ១ប្រកួត និងចាញ់១ប្រកួតមាន៧ពិន្ទុស្ថិតនៅលេខ៣។ វៀតណាម ឈ្នះ៣ប្រកួត ស្មើ១មាន១០ស្ថិតនៅកំពូលតារាងចាប់ដៃក្រុមលេខ២ម៉ាឡេស៊ី ដែលឈ្នះ៣ ចាញ់១មាន៩ពិន្ទុឡើងទៅវគ្គពាក់កណ្ដាលផ្ដាច់ព្រ័ត្ត។
បើតាមសហព័ន្ធកីឡាបាល់ទាត់កម្ពុជា បានស្រង់សម្ដីរបស់លោក Felix គ្រូបង្វឹកកម្ពុជាថា៖ “យើងពិតជាមានមោទនភាពនូវអ្វីដែលក្រុមបានធ្វើ ដោយបានតស៊ូរហូតដល់ទីបញ្ចប់ជាមួយ ឆន្ទៈ និងការតាំងចិត្តដើម្បីប្រឈមជាមួយការលេង។ នេះគឺជាការសន្យាមួយសម្រាប់ថ្ងៃអនាគត សម្រាប់អ្នកគាំទ្រយើងសូមអរគុណរាល់ការលើកទឹកចិត្តជារៀងរហូតមក”។
ចប់ព្រឹត្តិការណ៍ខាងលើ ក្រុមបាល់ទាត់ជម្រើសជាតិកម្ពុជាបានរំសាយហើយ ដោយទាល់តែមានការប្រកួតមិត្តភាពអន្តរជាតិផ្សេងទៀត ទើបមានការប្រមូលផ្ដុំម្ដងទៀត៕