ផល សោភ័ណ្ឌ និយាយពីការហាត់អ្វីខ្លះ ពេលដំឡើងទម្ងន់៦៥

2018-11-29 03:39:31
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្បីឈ្មោះ ផល សោភ័ណ្ឌ និយាយពីការដំឡើងទម្ងន់មកលេង ៦៥គីឡូក្រាមវិញ និងប្រាប់ពីការហ្វឹកហាត់មួយចំនួនទៀតដើម្បីជាការត្រៀមខ្លួនឲ្យបានល្អសម្រាប់ទម្ងន់ថ្មីនេះ។

កីឡាករ ផល សោភ័ណ្ឌ

សោភ័ណ្ឌ ប្រាប់ឲ្យដឹងថា មូលហេតុឡើងទម្ងន់មកវ៉ៃ ៦៥គីឡូក្រាមវិញនេះ គឺដោយសារមិនពិបាកសម្រកច្រើនគីឡូ ព្រោះបច្ចុប្បន្នហាត់យូរទៅឡើងសាច់ផង ហើយណាមួយទម្ងន់ចាស់វ៉ៃយូរដែរហើយ ដូច្នេះខ្ជិលសម្រក់សាកវ៉ៃតែម្ដងទៅ។

អ្នកលេងកែងពិឃាដខាងលើនេះបន្ថែមទៀតថា ទម្ងន់ថ្មីនេះក៏ពិបាកដែរ ព្រោះអីខ្លួនតួចជាគេ បើពីមុនលេងត្រឹម ៦៣,៥ មាឌប្រហាក់ប្រហែលគ្នា។ ចំពោះការត្រៀមខ្លួនវិញ ជើងខ្លាំងរូបនេះថា ត្រូវហ្វឹកហាត់ឲ្យបានច្រើន ជាពិសេសកម្លាំងស៊ុហ្វ ព្រោះអីអ្នកវ៉ៃទម្ងន់នេះភាគច្រើនគេទម្លាក់មកពីគីឡូ ៦៧-៦៨ ឯណោះ។

ផល សោភ័ណ្ឌ ពេលឈ្នះថៃ

រំលឹកដែរថា កីឡាករ ផល សោភ័ណ្ឌ ពីរប្រកួតចុងក្រោយនេះវ៉ៃលើប្រភេទទម្ងន់៦៥គីឡូក្រាម ដោយឈ្នះ នឹងត្រាកកាន នៅសង្វៀន CNC និងឈ្នះថៃ Kumpet ឯសង្វៀនបាយ័ន កាលពីសប្ដាហ៍មុន៕

វីដេអូ៖