មើលវីដេអូនេះ ទើបដឹងថា ឡៅ ចន្រ្ទា ស្រឡាញ់ ចិត្រា ប៉ុណ្ណា...

2018-12-19 03:15:52
ចំនួនមតិ 0 | ចំនួនចែករំលែក 0

ចន្លោះមិនឃើញ

សម្រាប់ការប្រកួតវគ្គផ្ដាច់ព្រ័ត្ររបស់ ឡៅ ចិត្រា កាលពីថ្ងៃអាទិត្យកន្លងទៅនេះ អាចថាជារឿងកម្រមួយដែល បងប្រុសរបស់ខ្លួនគឺ ឡៅ ចន្រ្ទា ដាច់ចិត្តទៅមើលការប្រកួតនោះ និងបានបានជួយប្រាប់ពីបច្ចេកទេសខ្លះៗ។

ឡៅ ចន្រ្ទា ពេលមកមើល ចិត្រា ប្រកួត

ចន្ទ្រា ធ្លាប់ប្រាប់ពីមុនមកថា កម្រមកមើលការប្រកួតរបស់ប្អូនណាស់ ព្រោះអីអាណិតប្អូន អត់ចង់ឃើញគេវ៉ៃប្អូននោះឡើយ យ៉ាងច្រើនមើលតាមទូរទស្សន៍ប៉ុណ្ណោះ។ ដោយឡែកសម្រាប់វគ្គផ្ដាច់ព្រ័ត្រកាលពីថ្ងៃអាទិត្យនេះក៏ឡើងមកមើលប្អូនផ្ទាល់តែម្ដង ព្រោះជាវគ្គសំខាន់ ហើយជាការលើកចិត្តផងដែរ។

នាយសង្ហាគុនខ្មែររូបនេះបន្ថែមថា ចាប់តាំងពីប្អូនប្រុសរបស់ខ្លួន ឡៅ ចិត្រា បានវ៉ៃជាមួយបរទេសមក ខ្លួនមិនដែលមកមើលផ្ទាល់នោះឡើយ ហេតុផលដូចរៀបរាប់ខាងលើ គឺអាណិត ហើយមិនចង់ឃើញគេវ៉ៃប្អូនឡើយ។ សម្រាប់ការប្រកួតវគ្គផ្ដាច់ព្រ័ត្រនេះ ម្ចាស់ខ្សែក្រវាត់៣ស្ថាប័ត្រខាងលើនេះ មើលឃើញថា ចិត្រា នៅស្ទើរស៊ុហ្វបន្តិច ចំណែកផ្លែក៏ធ្ងន់ដែរ ប៉ុន្តែ ប៊ុនហឿន គេនៅធ្ងន់ជាងទៀត។

ឡៅ ចន្រ្ទា ពេលមកមើល ចិត្រា ប្រកួត

រំលឹកដែរថា ការប្រកួតវគ្គផ្ដាច់ព្រ័ត្រខ្សែក្រវាត់ខារាប៉ាវ កាលពីថ្ងៃអាទិត្យ ទី១៦ ខែធ្នូ សប្ដាហ៍មុននេះ ឡៅ ស៊ីណាត រួមនិង ឡៅ ចន្ទ្រា បានមកឲ្យទឹក ឡៅ ចិត្រា ដល់សង្វៀនបាយ័នតែម្ដង។ ចិត្រា ក្លាយជាម្ចាស់ខ្សែក្រវាត់ខារាប៉ាវរដូវកាលថ្មី ប្រភេទទម្ងន់ ៦០គីឡូក្រាមនេះ ក្រោយឈ្នះពិន្ទុ ចាន់ ប៊ុនហឿន៕

អត្ថបទ៖ នួន ស៊ីណា