មកមើលលំនៅឋានរាប់ពាន់ខ្នង តម្លៃពីជាង២ម៉ឺនដុល្លារ អ្នកមានលុយល្មមៗរស់យ៉ាងស្រួល

2018-12-25 08:59:57
ចំនួនមតិ 0 | ចំនួនចែករំលែក 0

ចន្លោះមិនឃើញ

ការអភិវឌ្ឍលំនៅឋានតម្លៃសមរម្យសម្រាប់ប្រជាជនមានចំណូលមធ្យមត្រូវបានគាំទ្រយ៉ាងពេញទំហឹងពីរាជរដ្ឋាភិបាលកម្ពុជាតាមរយៈក្រសួងដែនដី។ គិតត្រឹមពេលនេះ មានក្រុមហ៊ុនចំនួនបី បានកំពុងសាងសង់លំនៅឋាន និងខុនដូមានទីតាំងមិនឆ្ងាយពីទីប្រជុំជននោះទេ។ អ្វីដែលសំខាន់ គម្រោងនីមួយ ក្រសួងស្នើឲ្យដាក់លក់ក្នុងតម្លៃចន្លោះពីជាង ២ម៉ឺន ទៅ ៣ម៉ឺនដុល្លារ សម្រាប់ពលរដ្ឋមានចំណូលមធ្យមនិងទាប មានលទ្ធភាពនិងឱកាសរស់នៅលំនៅឋានសមរម្យ។ ថ្មីៗនេះ ក្រសួងដែនដីក៏បានបង្ហាញលទ្ធផលនៃក្រុមហ៊ុនអភិវឌ្ឍន៍ទាំង៣ សម្រេចលទ្ធផល និងមានគម្រោងនៅសល់ដូចខាងក្រោម៖

គម្រោងអភិវឌ្ឍលំនៅឋានតម្លៃសមរម្យ

គម្រោងអភិវឌ្ឍលំនៅឋានតម្លៃទីក្រុងរណបសិរីមង្គលអភវិឌ្ឍដោយក្រុមហ៊ុន សៀ រិទ្ធី គ្រុប មានទីតាំងស្ថិតនៅតាមបណ្ដោយផ្លុវជាតិលេខ២១ ភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល ។ សម្រេចបានលទ្ធផលប្រមាណ ៣០%នៃគម្រោងទាំងស្រុង។ បច្ចុប្បន្នគម្រោងលក់បានចំនួន ៥២៨ លំនៅឋាន នៃចំនួនសរុប ២ ២៩៧ លំនៅឋាន ដែលនឹងត្រៀមប្រគល់ផ្ទះនៅត្រីមាសទី១ ឆ្នាំ២០១៩ និងគ្រោងបញ្ចប់ទាំងស្រុងនៅត្រឹមដើមឆ្នាំ២០២០។ គម្រោងអភិវឌ្ឍលំនៅឋានតម្លៃសមរម្យបុរីសែនមនោរម្យព្រែកតាទែន

គម្រោងអភវិឌ្ឍដោយក្រុមហ៊ុន B&BM Development ដែលមានទីតាំងស្ថិតនៅភូមិស្លែងដីដុះ ឃុំព្រែកតាទែន ស្រុកពញាឮ ខេត្តកណ្ដាល។ បច្ចុប្បន្នគម្រោងសម្រេចបាន ១៥%នៃគម្រោងទាំងស្រុង និងគ្រោងបញ្ចប់ដំណាក់កាលទី១ នៅខែសីហា ឆ្នាំ២០២១ និងបញ្ចប់ទាំងស្រុងនៅខែសីហា ឆ្នាំ២០២៤។ មកទល់ពេលនេះ គម្រោងបានលក់ចំនួន ១០០០ លំនៅឋាន នៃចំនួនសរុប ៥ ៣៤០ ។ គម្រោងផ្ទះបែបខុនដូតម្លៃសមរម្យនៅតំបន់ទឹកថ្លា

ជាគម្រោងសាងសង់លំនៅដ្ឋានបែបខុនដូសម្រាប់ប្រជាពលរដ្ឋដែលចង់រស់នៅតំបន់កណ្ដាលទីក្រុង មានទីតាំងស្ថិតនៅភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ជាការអភិវឌ្ឍរបស់ក្រុមហ៊ុនជប៉ុន អារ៉ាខាវ៉ា។ ។ គម្រោងនេះ បច្ចុប្បន្នសម្រេចបាន២៩% សម្រាប់ដំណាក់កាលទី ១ ចំនួនអគារ១០ ចែកជា ៥ ប្លុក ដោយ ១ប្លុក មាន ២អគារ និងមានកម្ពស់ ១៩ជាន់ ទៅ ២៣ជាន់ មានបន្ទប់ស្នាក់នៅសរុបប្រមាណ ២០០០យូនីត ក្នុងនោះមានចំនួនអ្នកកក់ទុកចំនួន ៩៧១ ។ គម្រោងនឹងរួចរាល់នៅត្រីមាសទី៤ ឆ្នាំ២០២០។

អត្ថបទ៖ ស៊ិន សាវ៉េត