គ្រូបង្រៀនជាង ៣ម៉ឺននាក់នៅអាមេរិក ចេញមកទាមទារដំឡើងប្រាក់ខែ (មានវីដេអូ)

2019-01-15 03:39:16
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្រៀនជាង៣ ម៉ឺននាក់មកពីសាលាធំបំផុតទីពីរនៅទីក្រុង Los Angeles រដ្ឋកាលីហ្វរញ៉ាសហរដ្ឋអាមេរិក បានមកផ្ដុំគ្នាដើម្បីទាមទារឲ្យមានការដំឡើងប្រាក់ខែ។

ក្រុមគ្រូបង្រៀន និងសហជីពរាប់ម៉ឺននាក់ បាននាក់គ្នាពាក់អាវពណ៌ក្រហមដើរតាមដងផ្លូវនៃទីក្រុងកាលពីថ្ងៃចន្ទដើម្បីទាមទារឲ្យរដ្ឋធ្វើការដំឡើងប្រាក់ខែដល់ពួកគេចំនួន ៦,៥ភាគរយភ្លាមៗ។ ការទាមទារនេះ គឺសម្រាប់ការដំឡើងប្រាក់ខែដល់បុគ្គលិកទាំងអស់ក្នុងសាលារួមមានបណ្ណារក្ស, អ្នកប្រឹក្សា និងបុគ្គលិកជំនួយការផ្សេងៗទៀត ក៏ដូចជាទាមទារឲ្យបន្ថយចំនួនសិស្សតាមថ្នាក់ដោយកំណត់ត្រឹម ៣៥នាក់សម្រាប់សិស្សបឋមកម្រិតខ្ពស់ និងត្រឹម ២៥នាក់សម្រាប់សិស្សបឋមកម្រិតទាម ខណៈដែលបច្ចុប្បន្ននៅតាមថា្នក់នីមួយៗមានសិស្សលើសពី ៤៥នាក់។ លើសពីនេះទៀត អំឡុងនៃការទាមទារនេះ ក៏បានធ្វើឲ្យប៉ះពាល់ដល់ការសិក្សារបស់សិស្សសាលាជាង៤៨០ ០០០នាក់ផងដែរ។

គួរឲ្យដឹងថា សាលា The Los Angeles Unified School District (LAUSD) គឺជាសាលាធំបំផុតទីពីរនៅសហរដ្ឋអាមេរិកដែលមានចំនួនសិស្សច្រើនបំផុតរហូតដល់ជាង ៦៤ម៉ឺននាក់ ហើយការតវ៉ានេះគឺជាលើកទីមួយហើយក្នុងរយៈពេល ៣០ឆ្នាំចុងក្រោយ៕

សូមទស្សនាវីដេអូខាងក្រោម ៖

Aerial footage shows massive teacher strike as tens of thousands of Los Angeles teachers walk out in what the union president says is a "fight for the soul of public education." https://t.co/9wms5kcUao pic.twitter.com/8Q0g3fzNyk
— ABC News (@ABC) January 14, 2019