ពេញនិយមខ្លាំងពេក ហ្គេម Fortnite កើបចំណូលបានច្រើនបំផុតប្រចាំឆ្នាំ ២០១៨
- 2019-01-19 01:59:00
- ចំនួនមតិ 0 | ចំនួនចែករំលែក 0
ពេញនិយមខ្លាំងពេក ហ្គេម Fortnite កើបចំណូលបានច្រើនបំផុតប្រចាំឆ្នាំ ២០១៨
ចន្លោះមិនឃើញ
ភាពជោគជ័យនៃហ្គេមបែបបាញ់ប្រហារ Fortnite: Battle Royale បានជំរុញឲ្យក្រុមហ៊ុន Epic Games កើបចំណូលបាន ២,៤ ពាន់លានដុល្លារ ជាប់ជាហ្គេមពេញនិយមបំផុតក្នុងលោកប្រចាំឆ្នាំ ២០១៨។ នេះបើតាមរបាយការណ៍ស្រាវជ្រាវចេញពី SuperData ។
Fortnite ជាហ្គេមឈរនៅលំដាប់កំពូលទទួលបានចំណូលច្រើនជាងហ្គេមប្រភេទ Free-to-play ណាៗទាំងអស់កាលពីឆ្នាំទៅ។ យកឈ្នះទាំងលើហ្គេម Dungeon Fighter Online របស់ក្រុមហ៊ុន Nexon ដែលរកបាន ១,៥ ពាន់លានដុល្លារ និង League of Legends របស់ Riot Games រកបាន ១,៤ ពាន់លានដុល្លារ ។
ជាប់ឈ្មោះជាហ្គេមដែលរកចំណូលបានច្រើនបំផុតក្នុងប្រវត្តិសាស្រ្ត ហើយក៏ជាកត្តាដ៏សំខាន់ដែលបានជំរុញឲ្យចំណូលក្នុងវិស័យហ្គេមឌីជីថលមានការឡើងប្រមាណ ១១ ភាគរយ ពោលគឺកើនដល់ ១០៩,៨ ពាន់លានដុល្លារលើរាល់ឧបករណ៍ទាំងអស់ មិនថា Mobile, PC និង Console។
បញ្ជាក់ថាមិនត្រឹមតែក្រុមហ៊ុនផលិតហ្គេមមួយនោះទេ ដែលបានចំណូលទាំងលាន ក្រឡេកទៅមើលជើងខ្លាំងអ្នកផ្សាយផ្ទាល់ល្បីឈ្មោះដែលមានរហ័សនាមថា "Ninja" កាលពីឆ្នាំ ២០១៨ ក៏ត្រូវបានគេដឹងថាអាចរកចំណូលបានជាង ១០ លានដុល្លារផងដែរ។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
ទូរសព្ទមុជទឹកបាន OPPO F9 សាកថ្មលឿនហួសនិស្ស័យ ៥ នាទីនិយាយ ២ ម៉ោង
កុំភ្លេចចូលរួមផង! ក្រសួងបង្កើតកម្មវិធី ឌីជីថលកម្ពុជាដ៏ធំនិងដំបូងបង្អស់ នៅខែមីនាខាងមុខ