ក្ដឹបស្មាតហ្វូនតូចបំផុត សឹងមិនជឿថាតម្លៃប៉ុណ្ណឹងសោះ!

2019-01-27 04:35:00
ចំនួនមតិ 0 | ចំនួនចែករំលែក 0

ចន្លោះមិនឃើញ

Palm ដែលជាក្រុមហ៊ុនផលិតសម្ភារៈបច្ចេកវិទ្យា បានងាកមកចាប់អារម្មណ៍បង្កើតជាស្មាតហ្វូនដ៏តូចមួយម៉ូឌែលដាក់ឈ្មោះថា "Palm Smartphone” ដែលចេញលក់លើទីផ្សារ ម្តងរួចហើយកាលពីខែវិច្ឆិកា ឆ្នាំ ២០១៨។

ត្បិតថាខ្លួនតូចមែន តែទូរសព្ទនេះមានបំពាក់មកជាមួយបច្ចេកវិទ្យាថ្មីៗ និងដំណើរការបានលឿនមិនចាញ់ស្មាតហ្វូនទំហំធំៗនោះទេ។ Palm មានទំហំប៉ុនកាតធនាគារប្រមាណជា ៣,៣ អ៊ិញ មានអេក្រង់ HD display មានបច្ចេកវិទ្យាការពារអេក្រង់កម្រិត Gorilla Glass 3។

មានបច្ចេកវិទ្យាការពារជម្រាបទឹក IP68 ដំណើរការដោយ Android 8.1 មានបច្ចេកវិទ្យាស្កេនមុខ Face recognition អាចសាកថ្មបានលឿនមធ្យម Type-C 1.0 (ពេញ ១០០% ប្រើពេល ១ម៉ោង) ថាមពលថ្មLi-Ion 800 mAh អាចនិយាយបាន ៨ ម៉ោង។

នៅពេលអ្នកចេញក្រៅ ឬលេងកីឡា ដោយពិបាកយកទូរសព្ទប្រើប្រចាំថ្ងៃដែលមានទំហំធំនោះ អ្នកក៏អាច syncs(ភ្ជាប់) ពីទូរសព្ទអ្នកមួយទៀតជាមួយ Plam Phone បានដោយងាយ។ វាប្រើប្រាស់បន្ទះឈីប Snapdragon 435 អាចដាក់ស៊ីមតូចបាន ២ មានជម្រើស RAM ៣GB មេម៉ូរី ៣២GB។

វាដើរតួជាជំនួយការទូរសព្ទ ដោយមានការចុចដូចស្មាតហ្វូនអេក្រង់ធំ មានកាមេរ៉ាមុខ(៨មេហ្គាភិចសែល)-ក្រោយ(១២ មេហ្គាភិចសែល) អាចថតបានងាយស្រួល មានមុខងារវាស់ចង្វាក់បេះដូងដូចនាឡិកាដៃឆ្លាតវៃ មានរូប icon ធំៗអាចបង្ហាញ App បានងាយស្រួលចុច។