អ្នកគាំទ្រត្រូវចំណាយ៦ពាន់ផោនប្រកួតចុងក្រោយមើល Liverpool លើកពាន?
- 2019-01-28 08:45:24
- ចំនួនមតិ 0 | ចំនួនចែករំលែក 0
អ្នកគាំទ្រត្រូវចំណាយ៦ពាន់ផោនប្រកួតចុងក្រោយមើល Liverpool លើកពាន?
ចន្លោះមិនឃើញ
បើសិន Liverpool បន្តជ័យជម្នះរបស់ខ្លួន ហើយរក្សាគម្លាតនាំមុខ Manchester City ដល់វិនាទីចុងក្រោយនោះព្រឹត្តិការណ៍លើកពាន Premier League លើកដំបូងនឹងកើតឡើងនៅ Anfield ចំប្រកួត Wolverhampton ក្នុងសប្ដាហ៍ទី៣៨។
យោងតាមកាលបរិច្ឆេទ ថ្ងៃទី១២ ឧសភា អាចជាពេលវេលាដែលអ្នកគាំទ្រឃើញការឈ្នះពានលីគលើកដំបូងក្នុងរយៈពេល២៩ឆ្នាំរបស់ Liverpool ប៉ុន្តែមានការភ័យខ្លាចថាពួកគេគ្មានឱកាសនឹងមើលហេតុការណ៍នោះផ្ទាល់នឹងភ្នែកដោយសារចំនួនសំបុត្រមានកំណត់។
តាមពាក្យចចាមអារ៉ាមភ្នាក់ងារជាឈ្មួញកណ្ដាលមួយចំនួនអាចឆ្លៀតឱកាសនេះទិញសំបុត្រយកទៅលក់បន្តក្នុងតម្លៃកប់ពពក អាចមានដល់៦ពាន់ផោនក៏ថាបាន។ យ៉ាងណាវាគ្រាន់តែជាតម្លៃប្រឌិតឡើងរបស់ឈ្មួញប៉ុណ្ណោះតែមែនទែនទៅក្លឹបមិនអាចដំឡើងថ្លៃបែបនោះបានទេ ព្រោះអ្នកគាំទ្រភាគច្រើនគឺទិញជាកញ្ចប់ទស្សនាពេញ១រដូវកាលតែម្ដង។
ការបំប៉ោងថ្លៃសំបុត្រតែងកើតមានឡើងក្នុងពិភពបាល់ទាត់ពិសេសគឺចំប្រកួតសំខាន់ៗដូចជាវគ្គផ្ដាច់ព្រ័ត្រ Champions League ឬ World Cup ជាដើម។ ការឡើងថ្លៃលើសធម្មតាតែងធ្វើឡើងដោយជនឱកាសនិយមដែលទិញសំបុត្រទុកដើម្បីលក់បន្តឲ្យអ្នកគាំទ្រពេលសំបុត្រផ្លូវការលក់អស់៕