នារីម្នាក់បែកគំនិតឆ្នៃក្រវិលសម្រាប់ដាក់ AirPods កុំឲ្យជ្រុះបាត់ពិបាករក (មានវីដេអូ)

2019-01-30 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាសឥតខ្សែឆ្កុយរបស់ Apple គឺ AirPods គឺជាកាស Wireless ដ៏ពេញនិយមបំផុតមួយលើពិភពលោក ថ្មីបើកាសនេះ លេចមុខចេញតាំងតែពីចុងឆ្នាំ ២០១៦ ជាង ២ ឆ្នាំទៅហើយក្ដី។ ប៉ុន្តែ មានបញ្ហាមួយដែលអ្នកប្រើប្រាស់ AirPods តែងតែជួបប្រទះគឺ កាសនេះងាយនឹងជ្រុះ ទោះបីជាអ្នកខ្លះមានទម្រង់ត្រចៀកដែលដាក់ AirPods បានជាប់យ៉ាងណាក្ដី ក៏អាចមានហេតុការណ៍ជ្រុះបាត់កើតឡើងហើយពិបាកនឹងរក ដោយដារកាសនេះមានទំហំតូចប្រមាណត្រឹម ១ អ៊ីញតែប៉ុណ្ណោះ។

យ៉ាងណាមិញ ទាក់ទងនឹងបញ្ហានេះ អ្នកច្នៃម៉ូដអាយុ ២២ ឆ្នាំម្នាក់ឈ្មោះ Gabrielle Reilly បានឆ្នៃក្រវិលមួយប្រភេទសម្រាប់ស្រីៗ ដែលមិនត្រឹមតែសម្រាប់ការតែងលម្អប៉ុណ្ណោះទេ តែក្រវិលនោះក៏អាចធ្វើជាធ្នាក់ដាក់កាស AirPods កុំឲ្យជ្រុះផងដែរ។

កាសនេះត្រូវបាន Gab ឲ្យឈ្មោះថា Airrings ដែលនាងដាក់លក់ក្នុងតម្លៃ ២០ ដុល្លារ។ ហេតុផលដែលធ្វើឲ្យ Gab មានគំនិតផលិតក្រវិល Airrings នេះឡើង គឺមានហេតុផលតាមដំណាក់កាល ដោយដំបូងនាងមានកាសខ្សែ Beats ជាច្រើនតែឆ្មារបស់នាងតែងតែអង្គាមខ្សែកាសនាងដាច់ខ្ទេច។ ក្រោយមកនាងក៏ប្ដូរមកប្រើកាសឥតខ្សែ ដើម្បីកុំឲ្យឆ្មានាងមានអីខាំទៀត ប៉ុន្តែបញ្ហាប្រឈមគឺ AirPods ងាយនឹងជ្រុះ ហើយពិបាករក។ នេះជាហេតុផលដែលនាងសម្រេចចិត្តឆ្នៃក្រវិលចេញជា Arirings នេះឡើង។

ម៉ូតក្រវិលនេះ មានភាពទាក់ទាញ ដោយវាមានកន្ទុយសម្រាប់ស្រោមបចុងកាស AirPods ជាប់ល្អមិនឲ្យជ្រុះបាន។ លើសពីនេះទៅទៀត ពេលដាក់ AirPods ជាប់នឹងក្រវិល Airrings នេះទៅ វាដូចជាម៉ូតថ្មីកាន់តែទាក់ទាញទៅទៀត។ ចង់ដឹងថាវាមានរូបរាងយ៉ាងណា អាចទស្សនាវីដេអូខាងក្រោមទាំងអស់គ្នា៖

I made airpod earrings lmaoooo i didnt want to post this till i had better pics but whatever here it is pic.twitter.com/4pHnc8wvfv
— pop (@bloodorgy) January 26, 2019