សុខ សាវិន និង លី ភា បាត់៣ពិន្ទុដូចគ្នាថ្ងៃបើកឆាកដំបូងពានរង្វាន់ នៅ CNC

2019-02-03 09:03:43
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់កំពុងឡើងកូដ សុខ សាវិន និងជើងខ្លាំងមកពីបាត់ដំបង លី ភា របូត៣ពិន្ទដូចគ្នានៃបើកឆាកពានរង្វាន់ ISI រដូវការទី៤ ទម្ងន់៦០គីឡូក្រាមមុននេះនៅសង្វៀន CNC។

សុខ សាវិន

គូរបស់ លីភា គឺមិនសូវជាសម្រុកគ្នាខ្លាំងអ្វីប៉ុន្មានទេ ពោលវ៉ៃតាមដំណើរ និងមានការសន្ធាប់ខ្លាំងដើមទឹក៤-៥ ប៉ុណ្ណោះ។ ការបង្ហាញខ្លួនជាថ្មីរបស់ជើងខ្លាំងមកពីខេត្តបាត់ដំបងរូបនេះ ហាក់ធ្វើមិនបានល្អនោះឡើយ តាំងពីទឹកទី១ ដល់ទឹកទី៣ ការវ៉ៃចេញហាក់មិនមានកម្លាំងអ្វីសោះ ឬធ្វើឲ្យអ្នកប្រដាល់ថៃ ទួនប៉េ ឈឺចាប់រួមទាំងស្រុកកម្លាំងឡើយ។

លី ភា

ចំណែក សុខ សាវិន ជាមួយថៃ Vithak Yayuth គឺល្អមើល និងតានតឹងខ្លាំង ពួកគេទាំងពីរវ៉ៃគ្នាមិនប្រណីនោះឡើយ ពោលចាប់តាំងពីទឹកទី១រហូតដល់ចប់ទឹក៥។ អ្នកទាំងពីរចេញស្នៀតខ្លាំងៗដូចមិនថាការទាត់ជើងក្រោម កណ្ដាប់ដៃ និងកែងនោះឡើយ ប៉ុន្តែលទ្ធផលចុងក្រោយជ័យជម្នះបានធ្លាក់ទៅលើជើងខ្លាំងមកពីថៃទទួលបាន៣ពិន្ទុ។

ទិដ្ឋភាពសន្និសីទសារព័ត៌មាន

តំណាងម្ចាស់ឧបត្ថម្ភ ISI បានឲ្យដឹងក្នុងកម្មវិធីសន្និសីទបើករដូវការទី៤ ព្រឹកមិញនេះដែរថា ក្រុមហ៊ុនមានចិត្តសប្បាយរីករាយដែលបានបន្តការសហការគ្នាក្នុងការប្រកួតរដូវការថ្មីនេះទៀត ជាមួយស្ថានីយ CNC ក៏ដូចជាសហព័ន្ធប្រដាល់គុនខ្មែរ។ ការប្រកួតនេះមិនត្រឹមតែជួយដល់កីឡាករនោះទេ គឺជាការរួមចំណែកដល់ការអភិវឌ្ឍន៍សមត្ថភាពឲ្យមានការរីកចម្រើន ដើម្បីជាការត្រៀមខ្លួននៅពេលកម្ពុជាធ្វើម្ចាស់ផ្ទះស៊ីហ្គេម ២០២៣ ផងដែ។ ទន្ទឹងនិងនេះដែរ លោកក៏ក្រើនរំលឹកដល់កីឡាករ គ្រូបង្វឹក រួមទាំងប្រធានក្លឹបទាំងត្រូវតែខំប្រឹងប្រែងហ្វឹកហាត់ បង្កើនសមត្ថភាពដើម្បីប្រកួតឲ្យល្អ និងអស់សមត្ថភាពក្នុងកម្មវិធីនេះដែរ។

ទិដ្ឋភាពសន្និសីទសារព័ត៌មាន

រំលឹកដែរថា លី ភា ចាញ់ពិន្ទុថៃ Tounpe ខណៈ សុខ សាវិន ចាញ់ពិន្ទុ Vithak Yayuth នាប្រកួតដំបូងពានរង្វាន់ ISI រដូវការទី៤ ទម្ងន់៦០គីឡូក្រាមនេះ។ ថៃទាំងពីរនាក់នេះទទួលបានម្នាក់ៗ៣ពិន្ទុ រីឯកីឡាករកម្ពុជាបានម្នាក់ៗ១ពិន្ទុ ចំណែកសប្ដាហ៍ក្រោយគឺដល់ពេល កីឡាករ សូត្រ ប៊ុនធី និង ឃឹម ប៉ូរា ឡើងប្រកួតសប្ដាហ៍ដំបូងរបស់ពួកគេហើយ៕

វីដេអូប្រកួត លី ភា៖