កម្ពុជាអាចនឹងមាន 5G ប្រើមុនគេ នៅអាស៊ាន
- 2019-03-02 10:27:04
- ចំនួនមតិ 0 | ចំនួនចែករំលែក 0
កម្ពុជាអាចនឹងមាន 5G ប្រើមុនគេ នៅអាស៊ាន
ចន្លោះមិនឃើញ
ក្រសួងប្រៃសណីយ៍ និងទូរគមនាគមន៍បានបង្ហាញក្ដីរំពឹងថាប្រទេសកម្ពុជា អាចនឹងក្លាយជាប្រទេសទីមួយនៅអាស៊ាន ដែលមានប្រើប្រាស់បច្ចេកវិទ្យាទូរគមនាគមន៍ជំនាន់ទី ៥ (5G)។ នេះបើតាមព័ត៌មានដែលចុះផ្សាយលើគេហទំព័រក្រសួងប្រៃសណីយ៍ និងទូរគមនាគមន៍នាថ្ងៃទី ២ ខែមីនានេះ។
ការបង្ហាញក្ដីរំពឹងនេះ បន្ទាប់ពីឯកឧត្ដមរដ្ឋមន្ត្រី ត្រាំ អ៊ីវតឹក និងគណៈប្រតិភូក្រសួងប្រៃសណីយ៍និងទូរគមនាគមន៍ បានចូលរួមក្នុងមហាសន្និបាតទូរសព្ទចល័ត MWC ឆ្នាំ ២០១៩ ដែលធ្វើឡើងក្នុងទីក្រុងបាសេឡូណា ប្រទេសអេស្ប៉ាញ ដែលប្រារព្ធឡើងពីថ្ងៃទី ២៥ ដល់ ២៨ ខែកុម្ភៈ។
មហាសន្និបាត MWC ឆ្នាំនេះបានប្រព្រឹត្តទៅក្រោមប្រធានបទ “ប្រជាពលរដ្ឋឌីជីថល” ដែលបានធ្វើឱ្យអ្នកចូលរួមបានស្វែងយល់ពីអ្វីដែលជាការផ្លាស់ប្ដូរឌីជីថល ដើម្បីផ្ដល់ជូនប្រជាពលរដ្ឋនៅទូទាំងពិភពលោក ក៏ដូចជាផលប៉ះពាល់នៃបច្ចេកវិទ្យាថ្មីទៅលើកំណើនសេដ្ឋកិច្ចរយ:ពេលវែង។ ជាមួយគ្នានេះ នៅក្នុងព្រឹត្តិការណ៍នេះ ក៏មានការដាក់តាំងពិព័រណ៍នូវឧបករណ៍បច្ចេកវិទ្យាទូរគមនាគមន៍ជំនាន់ទី ៥ (5G) និងដំណោះស្រាយនានាពាក់ព័ន្ធនឹងប្រព័ន្ធ 5G ដែលជាប្រធានបទឈានមុខគេ។
បញ្ជាក់ផងដែរថា បណ្ដាប្រទេសធំៗនៅលើពិភពលោក មាន ចិន កូរ៉េ រុស្ស៊ី សហភាពអឺរ៉ុប និងបណ្ដាប្រទេសដទៃទៀត កំពុងត្រៀមខ្លួនក្នុងការដាក់ឲ្យប្រើប្រាស់បច្ចេកវិទ្យាទូរគមនាគមន៍ជំនាន់ទី៥ (5G) នៅក្នុងពេលខាងមុខឆាប់ៗនេះ ហើយប្រទេសកម្ពុជា ក៏កំពុងត្រៀមខ្លួនផងដែរ៕
រូបភាព ៖ ក្រសួងប្រៃសណីយ៍ និងទូរគមនាគមន៍