ភ្ញៀវទេសចរសម្រុកទៅទស្សនាផ្កាលឿងក្នុងប្រទេសថៃ

2019-03-09 01:49:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ផ្កាត្រុំប៉ែតពណ៌លឿងកំពុងទាក់ទាញភ្ញៀវទេសចរក្នុងស្រុករាប់រយនាក់ក្នុងមួយថ្ងៃសម្រុកទៅទស្សនានៅខេត្តណានភាគខាងកើតឈៀងម៉ៃប្រទេសថៃជាប់បឹងព្រំដែនឡាវ។

ឧទ្យានមួយនេះជាទ្រព្យសម្បត្តិឯកជន នៅតាមបណ្តោយផ្លូវប្រវែង ១៥០ ម៉ែត្រ។ សម្រាប់ការចូលទស្សនាផ្កាដ៏ស្រស់ស្អាតនេះម្នាក់ៗត្រូវបង់លុយ ២០បាត (ប្រហែល ២ ៥០០ រៀល) ហើយផ្កាត្រុំប៉ែតនេះពេញរីកត្រឹមពាក់កណ្តលខែមិនាប៉ុណ្ណោះ។

ជាទូទៅផ្កាប្រភេទនេះរីកខ្លាំងនៅរដូវផ្ការីកចន្លោះពីចុងខែធ្នូ រហូតដល់ចុងខែមិនា។សម្រស់មិនចាញ់សាគូរ៉ានៅជប៉ុន ផ្កាត្រុំប៉ែតស័ក្ដិសមបំផុតសម្រាប់ការដាំដុះនៅប្រទេសក្នុងភូមិភាគអាស៊ីអាគ្នេយ៍ ពីព្រោះ វាជាប្រភេទរុក្ខជាតិទាមទារអាកាសធាតុក្តៅ និង មិនដុះនៅតំបន់អាកាសធាតុត្រជាក់ធ្លាក់ទឹកកកឡើយ។

ផ្កាត្រុំប៉ែត ឬ Tabebuia Chrysantha ជាផ្កាមានប្រភពពីតំបន់អាមេរិកកណ្តាល និង អាមេរិកឡាទីន។ វាមានកម្ពស់មានចន្លោះពី ៥ ទៅ ៨ ម៉ែត្រ។ ផ្កានេះមានពណ៌ច្រើនប្រភេទ ក្រៅពីលឿង ឬ ពណ៌មាស វានៅមានពណ៌ផ្កាឈូក និង ពណ៌ស្វាយជាដើម។ អំបូរផ្កាត្រុំប៉ែតនេះមានជាង ១០០ ប្រភេទ ហើយខ្លះមានកម្ពស់រហូតដល់៥០ម៉ែត្រ៕