ជារឿងដ៏កម្រ! តារាហូលីវូដល្បីឈ្មោះម្នាក់ជិះយន្តហោះរាប់ពាន់គីឡូ មកអបអរខួបកំណើតនាយិកា Affesip

2019-04-03 02:44:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ចាត់ទុកថាជារឿងដ៏កម្រមួយ សម្រាប់អ្នកស្រី ម៉ម សុម៉ាលី នាយិកាអង្គការ Afesip កម្ពុជា អង្គការគាំទ្រស្ត្រី និងកុមារងាយរងគ្រោះ ដោយអ្នកស្រីបានទទួលការស្រឡាញ់រាប់អានពីតារាហូលីវូដដ៏ស្រស់ស្អាតម្នាក់ រហូតដល់តារាស្រីរូបនោះ សុខចិត្តជិះយន្តហោះរាប់ម៉ោង ចម្ងាយដីរាប់ពាន់គីឡូមកចូលរួមអបអរថ្ងៃកំណើតរបស់អ្នកស្រី។

អ្នកស្រីនាយិកា រំភើបរហូតដល់បញ្ចេញព័ត៌មាននៅលើបណ្ដាញសង្គមរបស់ខ្លួន។ អ្នកស្រីបានសរសេរបង្ហាញពីកម្រងមិត្តភាពពិត និងសរសើរពីមិត្តល្អកម្ររកបាននាងឈ្មោះ AnnaLynne McCord ។ "រកបានទេ មនុស្សល្អដែលស្រលាញ់យើងគ្មានលក្ខខ័ណ្ឌនោះ គាត់ជាតារា ហូលីវូដ AnnaLynne McCord ជាមួយមិត្តប្រុស សុខចិត្តខាតការងារជិះយន្តហោះជិត ៣០ ម៉ោងដើម្បីខ្ញុំ ? មក surprise ខួបខ្ញុំ!”។

នាយិកាដដែល បញ្ជាក់ថា អ្នកស្រី គ្រាន់តែចូលចិត្តធ្វើតាមក្ដីស្រមៃ និងជួយមនុស្សដែលត្រូវគេរើសអើងប៉ុណ្ណោះ។ ដោយឡែកទំនាក់ទំនងជាមួយតារាស្រីជនជាតិបរទេសខាងលើ អ្នកស្រីបញ្ជាក់ថា តារាបរទេសរូបនោះ គឺមានតម្លៃណាស់សម្រាប់អ្នកស្រី។ យ៉ាងក៏ដោយ អ្នកស្រី សុម៉ាលី មិនបានបញ្ចេញនៅឡើយអំពីទំនាក់ទំនងជាមួយស្ត្រីជនជាតិស្បែកសដ៏ស្រស់ស្អាត ថាកើតឡើងដោយរបៀបណាស់ ជិតស្និទ្ធកម្រិតណា ខណៈអ្នកស្រី មិនទាន់អាចទំនាក់ទំនងដើម្បីអធិប្បាយបន្ថែមបាន។

AnnaLynne McCord គឺជាតារាសម្ដែងស្រីជនជាតិអាមេរិក និងជាអតីតតារាម៉ូដែល បច្ចុប្បន្ននាងមានវ័យ ៣២ឆ្នាំ។ ក្នុងអាជីពសិល្បៈ នាង បានចូលរួមសម្ដែងរឿងជាច្រើនរាប់មិនអស់ ក្នុងនោះរឿងដែលទទួលបានការគាំទ្រច្រើនមានដូចជា "Transporter 2” "Day of the Dead " និងរឿង "Scorned " ជាដើម។ ភាពយន្តចុងក្រោយរបស់នាងមាន "68 Kill"បញ្ចាំងនៅឆ្នាំ ២០១៧ និងរឿង "First We Take Brooklynn” នៅឆ្នាំ ២០១៨។ នេះបើតាម Wikipedia។

ក្រៅពីការងារសិល្បៈ AnnaLynne ចូលចិត្តការងារសប្បុរសធម៌ ហើយនោះទំនងជាហេតុផលមួយដែលនាំឲ្យនាងបានមកជួប និងស្គាល់ជាមួយអ្នកស្រី ម៉ម សុម៉ាលី អង្គការ Afesip កម្ពុជា អង្គការគាំទ្រស្ត្រី និងកុមារងាយរងគ្រោះដោយការជួញដូរ។

នៅថ្ងៃម្សិលមិញ មិនត្រឹមតែតារាស្រីហូលីវូដខាងលើប៉ុណ្ណោះទេដែលចូលរួមអបអរថ្ងៃកំណើតរបស់អ្នកស្រី ម៉ម សុម៉ាលី។ តារាល្បីៗកម្ពុជាជាច្រើនរូបមាន លោក ប៉ែន ចំរុង និង យ៉ែម សំអូន ជាដើមក៏បានចូលរួមអបអរ និងជូនពរក្នុងថ្ងៃពិសេសរបស់នាយិកាអង្គការរូបនេះដែរ៕

អាន៖ សំណេររឿងខ្លី "សុំឆ្ងល់លេង" របស់អ្នកនិពន្ធ កែវ ច័ន្ទបូរណ៍ ធ្វើឲ្យផ្ទុះលើ Facebook

អាន៖ ទីបំផុតស្រីស្អាតនៅរាជធានីភ្នំពេញ គ្រងមកុដផ្ការំដួល សម្រាប់ជយលាភី Miss Cambodia 2019