ក្លឹបក្នុងលីគកំពូលៗអឺរ៉ុបតែ ១គត់ ដែលឈ្នះលីគត្រឹម ៣០ប្រកួតក្នុងសតវត្សទី២១

2019-04-09 13:10:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងលីគកំពូលអឺរ៉ុបទាំង ៥ ក្លឹបកំពូលៗភាគច្រើនតែងតែប្រកួតប្រជែងគ្នារហូតដល់ប្រកួតចុងក្រោយ។ យ៉ាងណាមិញ មានក្លឹបតែមួយនេះទេ ដែលអាចលើកពានលីគកំពូលមុនកាលកំណត់រហូតដល់ទៅសល់ ៨ប្រកួតទៀត។

ក្លឹបនោះគឺ Paris Saint-Germain ដែលពួកគេអាចធ្វើបានកាលពីរដូវកាល ២០១៥/១៦។ ក្នុងរដូវកាលនោះ ពួកគេបានឈ្នះ Ligue 1 ដោយចំណាយតែ ៣០ប្រកួតប៉ុណ្ណោះ ហើយឈ្នះក្នុងពាក់កណ្ដាលខែមីនា បន្ទាប់ពីលត់ក្លឹប Troyes ក្នុងលទ្ធផល ៩-០។

កាលនោះ PSG បានឈ្នះ ៣០លើក ស្មើ៦លើក និងចាញ់ ២លើក ហើយមាន ៩៦ពិន្ទុ ដែលដាច់ពីក្រុមលេខ ២ Lyon ចំនួន ៣១ពិន្ទុ។ ពេលនោះដែរ ខ្សែប្រយុទ្ធស៊ុយអែតកីឡាករ Zlatan Ibrahimovic ជាអ្នករកគ្រាប់បាល់ច្រើនជាងគេក្នុងលីគកំពូលបារាំង ដោយរកបាន ៣៨គ្រាប់។

ចំណែកឯក្នុងរដូវកាលនេះវិញ ក្លឹបយក្សបារាំងប៊ិះនឹងឈ្នះលីគត្រឹម ៣០ប្រកួត ដូចកាលពី ៣ឆ្នាំបាត់ទៅហើយ បន្ទាប់ពីស្មើគ្នាជាមួយនឹងក្លឹប Strasbourg កាលពីយប់ថ្ងៃអាទិត្យកន្លងទៅ៕

អាន៖ មកស្គាល់មុខកីឡាករតែមួយរូបគត់ដែលលេងឲ្យ ៧ក្លឹប ក្នុង UCL

ZIDANE ប្រាប់ពីបញ្ហាដែល REAL កំពុងជួបប្រទះ

GEORGINA បង្ហើបពីការផ្ដើមស្នេហាក្នុងគ្រាដំបូងរបស់ខ្លួនជាមួយ RONALDO

ប្រភព៖ 90min អត្ថបទ៖ សេរី មង្គល