Smalling បកស្រាយពីហេតុការណ៍ដែលធ្វើឲ្យ Messi បែកឈាមខ្ទង់ច្រមុះ

2019-04-12 10:50:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែការពារក្លឹប Manchester United កីឡាករ Chris Smalling បាននិយាយក្នុងបទសម្ភាសន៍ជាមួយនឹងសារព័ត៌មាន BBC កាលពីពេលថ្មីៗនេះថា ខ្លួន និងខ្សែប្រយុទ្ធក្លឹប Barcelona កីឡាករ Lionel Messiមិនមានគំនុំអ្វីទេ ហើយវាជាឧប្បត្តិហេតុទេដែលខ្លួនធ្វើឲ្យ Messi មានរបួសបែកឈាមខ្ទង់ច្រមុះកាលពីប្រកួតក្នុងវគ្គ ៨ក្រុមចុងក្រោយនៃ UEFA Champions League កាលពីយប់ថ្ងៃពុធ កន្លងទៅ។

កីឡាកររូបនេះបាននិយាយថា៖ " ពួកយើងបាននិយាយគ្នាបន្តិចបន្តួចបន្ទាប់ចប់ការប្រកួត ហើយចាប់ដៃគ្នា។ Messi ក៏ដឹងថាវាគ្រាន់តែជាឧប្បត្តិហេតុទេ ហើយខ្ញុំក៏មិនគិតថា នៅពេលនោះខ្ញុំរារាំង Messi ដល់ថ្នាក់នេះទេ។ " ។

ខ្សែការពារអង់គ្លេសរូបនេះបានបន្តថា៖ " ពេលចប់ការប្រកួត Suarez ក៏មកនិយាយជាមួយគ្នាដែរ។ គេមកចាប់ដៃខ្ញុំ ហើយនិយាយថា 'សំណាងល្អ'។ វាជារឿងល្អដែរ នៅពេលដែលអ្នកប៉ះទង្គិចក្នុងការប្រកួត ប៉ុន្តែចេះគោរពគ្នាក្រោយពីចប់ការប្រកួត ដោយសារតែពួកយើងសុទ្ធតែខិតខំអស់សមត្ថភាពរៀងៗខ្លួន " ។

Manchester United បានចាញ់ក្លឹបកាតាឡាន់ Barcelona ក្នុងលទ្ធផល ១-០ ដោយបាល់ Own Goal របស់ខ្សែការពារស្លាបអង់គ្លេសកីឡាករ Luke Shaw។

ក្លឹប Barcelona នឹងបើកទ្វារកីឡដ្ឋាន Camp Nou នៅថ្ងៃអង្គារ សប្ដាហ៍ក្រោយដើម្បីស្វាគមន៍ក្លឹបបិសាចក្រហម Manchester United ក្នុងប្រកួតជើងទី២ នៃវគ្គ៨ក្រុមចុងក្រោយ UEFA Champions Leageu៕

អានបន្ត៖

ជាង ១ឆ្នាំហើយដែល Suarez មិនអាចរកគ្រាប់បាល់បានសោះក្នុង UCL

មកទល់ពេលនេះ មានតែ Barca និង៣ក្រុមទៀតទេដែលកក់កៅអី UCL រដូវកាលក្រោយ

មកស្គាល់មុខកីឡាករតែមួយរូបគត់ដែលលេងឲ្យ ៧ក្លឹប ក្នុង UCL

ប្រភព៖ BBC ប្រែសម្រួល៖ ហ៊ីម រស្មី