មានតែម្នាក់ទេ ដែលឈ្នះពានកីឡាករឆ្នើមប្រចាំខែក្នុង PL ៣ដងក្នុងមួយរដូវកាល

2019-04-16 11:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ជានិច្ចកាល ក្នុងមួយរដូវកាល កម្រមានកីឡាករណាធ្លាប់ឈ្នះពានកីឡាករឆ្នើមក្នុង Premier League បានច្រើនដងទេ។ យ៉ាងណាមិញ ខ្សែប្រយុទ្ធក្លឹប Liverpool កីឡាករ Mohamed Salah ជាកីឡាករតែមួយរូបគត់ក្នុងប្រវត្តិសាស្ត្រ ដែលឈ្នះពានកីឡាករឆ្នើមប្រចាំខែ ចំនួន ៣ដង ក្នុងមួយរដូវកាល។

ខ្សែប្រយុទ្ធអេហ្ស៊ីបរូបនេះ ធ្លាប់ធ្វើរឿងនេះបាននៅក្នុងរដូវកាល ២០១៧/១៨ ដោយកាលនោះ រូបគេបានឈ្នះពានកីឡាករឆ្នើមប្រចាំខែវិច្ឆិកា ប្រចាំខែកុម្ភៈ និងប្រចាំខែមីនា។

ក្រៅពីជាប់កំណត់ត្រាខាងពានកីឡាករឆ្នើមប្រចាំខែ កីឡាកររូបនេះក៏បានឈ្នះពានស្បែកជើងមាសក្នុងលីគកំពូលអង់គ្លេស ដោយរូបគេរកគ្រាប់បាល់ ៣២គ្រាប់ ហើយក៏ជាជើងឯកនៃពានកីឡាករឆ្នើមប្រចាំរដូវកាល ២០១៧/១៨ ក្នុង Premier League ផងដែរ។

ចំណែកឯក្នុងរដូវកាល ២០១៨/១៩វិញ Salah កំពុងតែប្រទាញប្រទង់គ្នាក្នុងការដណ្ដើមយកពានស្បែកជើងមាសនៅ Premier League ជាមួយនឹងខ្សែប្រយុទ្ធកំពូលៗដទៃទៀត ដោយគិតត្រឹមពេលនេះដែរ រូបគេរកបាន ១៨គ្រាប់៕

អានបន្ត៖

កីឡាករតែ ៣រូបប៉ុណ្ណោះដែលរក Hat-Trick បាននៅ PL, UCL និង FA Cup

មានតែ ៦ក្លឹបទេ ដែលមិនធ្លាប់កាត់ចេញពីលីគកំពូលតាំងពីបង្កើត PL មក

មកស្គាល់មុខអាជ្ញាកណ្ដាលដែលចែកកាតក្រហម ១០០សន្លឹកមុនគេបង្អស់ក្នុង PL

ប្រភព៖ Sky Sports ប្រែសម្រួល៖ ហ៊ីម រស្មី