កីឡាករតែ ៣រូបប៉ុណ្ណោះដែលរក Hat-Trick បាននៅ PL, UCL និង FA Cup

2019-04-12 12:18:09
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងប្រវត្តិសាស្ត្របាល់ទាត់អង់គ្លេស មានតែកីឡាករ ៣រូបទេ ដែលមានវាសនាអាចរកបាន Hat-Trick ក្នុងព្រឹត្តិការណ៍ធំៗ៣ គឺ ក្នុងកម្មវិធី Premier League, កម្មវិធី UEFA Champions League និង FA Cup។ កីឡាករទាំង ៣រូបនោះ មានដូចជា៖

១. ខ្សែបម្រើប្រយុទ្ធ Yossi Benayoun៖ កីឡាករអ៊ីស្រាអែលរូបនេះ បានស៊ុត Hat-Trick ក្នុង ៣កម្មវិធីធំៗខាងលើនេះមុនគេបង្អស់ កាលពីខ្លួននៅលេងឲ្យក្លឹប Liverpool កំឡុងឆ្នាំ២០០៧-២០១០។ កីឡាកររូបនេះ រកបាន ៣គ្រាប់ក្នុងមួយប្រកួតពេលប៉ះក្លឹប Burnley ក្នុងក្របខ័ណ្ឌ Premier League, ក្លឹប Havant & Waterlooville នៅ FA Cup និងរកបាន Hat Trick ពេលលេងប៉ះក្លឹបទួរគី Besiktas ក្នុង UEFA Champions League។ កីឡាកររូបនេះបានប្រកាសចូលនិវត្តន៍ហើយក្នុងថ្ងៃនេះ។

២. ខ្សែប្រយុទ្ធ Sergio Aguero៖ កីឡាករក្លឹប Manchester City រូបនេះ រកបាន Hat Trick ចំនួន ១១លើកក្នុង Premier League, ៣លើកក្នុង FA Cup និង រកបាន Hat Trick ប៉ះនឹងក្លឹបយក្សអាល្លឺម៉ង់ Bayern Munich ក្នុង Champions League។

៣. ខ្សែប្រយុទ្ធ Harry Kane៖ កីឡាករក្លឹប Tottenham Hotspur រូបនេះ រកបាន Hat Trick ចំនួន ៨ដងក្នុង Premier League ១ដង (ប៉ះនឹងក្លឹប Fulham) ក្នុង FA Cup និង រកបាន Hat Trick ១ដង ក្នុង UEFA Champions League ពេលប៉ះនឹងក្លឹបស៊ីប្រ៊ូស Apoel៕