Giroud បង្កើតកំណត់ត្រាថ្មី ក្រោយពីស៊ុតចូល ១គ្រាប់ក្នុង UEL

2019-04-19 11:54:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធក្លឹប Chelsea កីឡាករ Olivier Giroud បានបង្កើតកំណត់ត្រាថ្មីមួយ ដោយក្លាយជាកីឡាករChelsea ដំបូងបង្អស់ដែលបានស៊ុត ១០គ្រាប់ នៅកម្មវិធីអឺរ៉ុបក្នុងមួយរដូវកាល។

Giroud បានបង្កើតកំណត់ត្រានេះ បន្ទាប់ពីរកគ្រាប់ពេលលេងប៉ះនឹងក្លឹបនៃសាធារណរដ្ឋឆេក Slavia Prague ក្នុងជើងទី២ នៃវគ្គ ៨ក្រុមចុងក្រោយនៃ UEFA Europa League កាលពីយប់ថ្ងៃព្រហស្បតិ៍កន្លងទៅ។

ក្នុងព្រឹត្តិការណ៍លំដាប់ទី២ អឺរ៉ុបនេះដែរ Giroud បានបង្កើតគ្រាប់បាល់ចំនួន ១៣គ្រាប់ ក្នុងការបង្ហាញខ្លួន ១២លើករបស់គេ ដែលក្នុងនោះរកគ្រាប់បាល់បានខ្លួនឯងចំនួន ១០គ្រាប់ និងបញ្ជូនគ្រាប់បាល់ឲ្យមិត្តរួមក្រុមចំនួន ៣ដង។

សូមបញ្ជាក់ផងដែរថា Giroud បានផ្លាស់ពី Arsenal មកកាន់ក្លឹប Chelsea នៅខែមករា ឆ្នាំ២០១៨ ហើយចាប់ពីពេលនោះមក ខ្សែប្រយុទ្ធបារាំងរូបនេះបានរកគ្រាប់បាល់ឲ្យ Chelsea ១៧គ្រាប់ ក្នុងការបង្ហាញខ្លួន ៥៧លើកនៅគ្រប់កម្មវិធីរបស់ក្លឹប៕

អានបន្ត៖

ប្រភព៖ BBC អត្ថបទ៖ សេរី មង្គល