វ័យប៉ុណ្ណេះ កុមារភាគច្រើននៅចាយលុយប៉ាម៉ាក់ តែ ជូលី មានលុយបោះទុនបើកហាងខ្ទង់ម៉ឺនដុល្លារឯណោះ

2019-05-03 04:04:11
ចំនួនមតិ 0 | ចំនួនចែករំលែក 0

ចន្លោះមិនឃើញ

កុមារី ជូលី ដែលទើបមានវ័យ ១២ ឆ្នាំ បានរួចផុតបន្ទុកឪពុកម្ដាយទៅហើយ ហើយថែមទាំងមានលុយខ្លះទៀត បោះទុនបើកភោជនីយដ្ឋានខ្ទង់ម៉ឺនដុល្លារមួយកន្លែងទៀតផង នៅខេត្តព្រះសីហនុ ខណៈកុមារវ័យស្របាលគ្នាភាគច្រើន នៅចាយលុយផ្ទះនៅឡើយ។

តាមការបញ្ជាក់របស់ ជូលី បានឲ្យដឹងថា ប្អូនស្រី បានបើកភោជនីយដ្ឋានមួយកន្លែងនៅតាមបណ្ដោយផ្លូវជាតិលេខ ៤ ជិតដល់ខេត្តព្រះសីហនុ។ ហាងនោះមានឈ្មោះថា "រតនា-ជូលី" ជាឈ្មោះម្ដាយ និងប្អូនស្រី និងបើកបានប្រមាណជា២ខែហើយ។ "តែឥឡូវហ្នឹង ក្មួយអត់ទាន់បានធ្វើឡូហ្គូ ដាក់រូបដាក់អីទេ ដោយទើបនឹងបើក ម្យ៉ាងឥឡូវក្មួយរវល់ច្រើនផង អត់សូវបានទៅជាមួយម៉ាក់ទេ"។

ជូលី បង្ហើបថា អាជីវកម្មខាងលើ គឺជាគំនិតផ្ដួចផ្ដើមរបស់ពូរបស់នាង ផ្សំនឹងនាងក៏មានគម្រោងរកស៊ីដែរ ដោយមិនចង់ពឹងតែលើចំណូលពីសិល្បៈនោះ ជូលី ក៏ព្រមតែម្ដង។ ចំពោះទុនក្នុងការបើកហាងវិញ ជូលី បង្ហើបថា បានចំណាយអស់ប្រមាណ ១ម៉ឺនដុល្លារអាមេរិកឯណោះ។ យ៉ាងក៏ដោយជាមួយតួលេខនេះ មិនមែនជាទុនផ្ដាច់មុខរបស់ប្អូនស្រីឡើយ ប៉ុន្តែជាអាជីវកម្មដែលមានការចូលរួមជាមួយគ្រួសារសាច់ញាតិមួយចំនួនទៀត។

តាមតួសម្ដែងតូច ហ៊ុនដែលមានបើកហាងខាងលើ មានចំនួន ៣ហ៊ុន គឺនាង ១ហ៊ុន ម្ដាយ១ហ៊ុន និងពូរបស់នាងមួយហ៊ុន។ ប៉ុន្តែនាង និងម្ដាយ ស្មើនឹង ៥០% ហើយហ៊ុន៥០% នៅសល់ គឺជារបស់ពូនាង។ ជូលី បានរើសយកទីតាំងនៅតាមខេត្ត ចេញឆ្ងាយពីរាជធានី។ ចំពោះហេតុផល ដោយសារថា បងប្អូនសាច់ញាតិរបស់ប្អូនស្រីនៅទីនោះ ទាំងអស់ និងជាកន្លែងលក់ដូរដាច់ផង។

"បើបើកនៅភ្នំពេញ ក្មួយគិតថា ចំណាយពេលយូរទម្រាំជោគជ័យ តែបើកនៅទីនោះ គ្រាន់តែខ្ញុំបើកបានប្រមាណ១អាទិត្យ ខ្ញុំជោគជ័យបានប្រមាណ៧០-៨០% ហើយពូ ដោយកន្លែងនោះជាកន្លែងលក់ដូរដាច់ស្រាប់!”។ ជូលី ថ្លែង។

ប្អូនស្រី ជា វណ្ណពុទ្ធាលី ហៅ ជូលី បានសាងកេរ្តិ៍ឈ្មោះក្នុងសិល្បៈតាំងពីនាងទើបមានអាយុ ៧-៨ឆ្នាំ។ ប៉ុន្តែប្រិយមិត្តបានស្គាល់នាងច្រើន អំឡុងពេលនាងមានវ័យ ១០ឆ្នាំប៉ុណ្ណោះ ដែលពេលនោះ នាងបានចូលរួមសម្ដែងក្នុងរឿងជាច្រើន ជាពិសេសគឺរឿង “ពស់កេងកង" ជាពិសេស “មុនដំបូងខ្មែរក្រហមសម្លាប់ប៉ាខ្ញុំ" ជាដើម។ ជូលី ប្រាប់ថា សម្រាប់ការងារសិល្បៈបច្ចុប្បន្នក៏រវល់ខ្លាំងក្នុងនោះភាគច្រើន គឺការងារថតស្ប៉តពាណិជ្ជកម្ម។

ប៉ុន្តែទោះជាបែបនេះក្ដី តារាសម្ដែងតូច ប្រាប់ថា ក៏មិនបានបោះបង់ចោលការសិក្សាដែរ ដោយបច្ចុប្បន្ននាងបាន និងកំពុងតែខិតខំយ៉ាងខ្លាំង។ ដូច្នេះហើយ ទើបនាងមិនសូវទទួលការងារសម្ដែងរឿង ដោយសារតែការសម្ដែងប្រភេទនេះ គឺចំណាយពេលច្រើន ធ្វើឲ្យប៉ះពាល់ដល់ការសិក្សា៕

កុមារីក្នុងរឿង "ពស់កេងកង" ប្រែរូបរាង កាន់តែស្អាតខ្លាំង មើលទៅដូចក្រមុំ!

វីវរបណ្ដោយ Sound Club ប្រកាសឲ្យ បញ្ញា សិទ្ធិ ចូលខ្លួនមកទូទាត់បំណុល