ប្រកួតចុងសប្ដាហ៍នេះ Barca ដកកម្លាំងសំខាន់៦នាក់ឲ្យសម្រាក ទុកត្រៀមប៉ះ Liverpool
- 2019-05-04 03:06:44
- ចំនួនមតិ 0 | ចំនួនចែករំលែក 0
ប្រកួតចុងសប្ដាហ៍នេះ Barca ដកកម្លាំងសំខាន់៦នាក់ឲ្យសម្រាក ទុកត្រៀមប៉ះ Liverpool
ចន្លោះមិនឃើញ
ក្លឹប Barcelona បានដាក់ Lionel Messi, Luis Suarez និង Ivan Rakitic ឲ្យសម្រាកសម្រាប់ការប្រកួតនៅ La Liga ទល់នឹងក្រុម Celta Vigo នៅសប្ដាហ៍នេះដើម្បីទុកជើងលេង Champions League វគ្គពាក់កណ្ដាលផ្ដាច់ព្រ័ត្រជើងទីពីរទល់ Liverpool។
Barcelona ដែលទើបតែលើកពាន La Liga រដូវកាលនេះនឹងដាក់កីឡាករក្មេងៗឲ្យចូលលេងច្រើន ហើយក្រៅពីអ្នកទាំង៣ខាងលើ Gerard Pique, Sergio Busquets និង Jordi Alba ក៏ត្រូវឲ្យសម្រាកដូចគ្នា។ ក្រុមរបស់លោក Ernesto Valverde ហាក់មានភាពកក់ក្ដៅបន្តិច ដោយសារតែជើងទីមួយពួកគេឈ្នះ ៣-០ រួចទៅហើយក្នុងផ្ទះខ្លួនឯង។
Messi រកបាន២គ្រាប់ម្នាក់ឯងក្នុងការប្រកួតនោះ ហើយក៏ឈានដល់គ្រាប់ទី៦០០ក្នុងអាជីពសម្រាប់ក្លឹបផងដែរ។ សម្រាប់ថ្ងៃអង្គារសប្ដាហ៍ក្រោយ Barca ត្រូវត្រលប់ទៅលេងនៅទឹកដី Anfield វិញ។ Barcelona គ្រងពាន La Liga លើកទី២៦ ក្រោយឈ្នះ Levente កាលពីថ្ងៃទី ២៧ ខែ មេសា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
