Pep ជឿជាក់ Benitez មិនបន្ធូរដៃឲ្យក្លឹបចាស់ Liverpool នៅសប្ដាហ៍នេះទេ
- 2019-05-04 03:57:52
- ចំនួនមតិ 0 | ចំនួនចែករំលែក 0
Pep ជឿជាក់ Benitez មិនបន្ធូរដៃឲ្យក្លឹបចាស់ Liverpool នៅសប្ដាហ៍នេះទេ
ចន្លោះមិនឃើញ
លោក Pep Guardiola មានទំនុកចិត្តថា លោក Rafael Benitez មិនយល់យោគឡើយដល់ក្លឹបចាស់ ពេលដែល Newcastleជួប Liverpool នៅថ្ងៃសៅរ៍ពាន Premier League សប្ដាហ៍ទី៣៧។
Liverpool នឹងត្រូវធ្វើដំណើរទៅប៉ះ Newcastle និងទាមទារជ័យជម្នះខ្លាំងដើម្បីបន្តប្រជែងកំពូលតារាងជាមួយ Manchester City។ ខាង Man City ហាក់មានក្ដីបារម្ភបន្តិចព្រោះ Benitez ធ្លាប់ដឹកនាំហង្សក្រហម ដូច្នេះអាចនឹងមានមនោសញ្ចេតនាទម្លាក់ការលេងជាមួយក្លឹបចាស់ដើម្បីឲ្យឈ្នះពាន។
ដូចគ្នានេះដែរសប្ដាហ៍នេះ Man City ត្រូវជួប Leicester City ដែលមានលោក Brendan Rodgers ជាអ្នកចាត់ការ។ Rodgers ក៏ធ្លាប់ជាអតីតអ្នកចាត់ការរបស់ Liverpool ដូចគ្នា។ ទាក់ទងរឿងនេះ Guardiola និយាយថា៖ "វាគឺដូចគ្នា Brendan និង Rafa ធ្លាប់ធ្វើការនៅ Liverpool ប៉ុន្តែពួកគេនឹងចង់ឈ្នះដូចគ្នា។ ខ្ញុំមិនអាចស្រមៃចេញថា ពួកគេមិនចង់ឈ្នះការប្រកួតនោះទេ"៕