Asus បង្ហើបមុនខ្ទេចពីចំណុចខ្លាំងរបស់ ZenFone 6 ត្រៀមប្រកាសថ្ងៃទី ១៦ ឧសភា
- 2019-05-10 01:34:35
- ចំនួនមតិ 0 | ចំនួនចែករំលែក 0
Asus បង្ហើបមុនខ្ទេចពីចំណុចខ្លាំងរបស់ ZenFone 6 ត្រៀមប្រកាសថ្ងៃទី ១៦ ឧសភា
ចន្លោះមិនឃើញ
ក្រុមហ៊ុន Asus បានបង្ហើបឲ្យដឹងនូវលក្ខណៈសម្បត្តិនិងមុខងារមួយចំនួននៅលើ ZenFone 6 ដែលជាស្មាតហ្វូនសេរ៊ីចុងក្រោយរបស់ខ្លួនត្រៀមប្រកាសនៅថ្ងៃទី ១៦ ឧសភា។
ក្រុមហ៊ុនបានចែករំលែករូបភាពលើបណ្តាញសង្គម Twitter ដោយបង្ហាញត្រង់ៗថា ZenFone 6 នឹងមានបំពាក់នូវបន្ទះឈីប Qualcomm Snapdragon 855 SoC ជំនាន់ក្រោយផុតលេខ ស្របពេលផ្នែកតួខាងក្រោមបន្តប្រើរន្ធដោតកាស ដាក់ក្បែរទីតាំងរន្ធដោត USB-C អមភ្លើង Notificion LED នៅផ្នែកខាងលើ។
ផ្នែកចំហៀងខាងស្តាំមានបំពាក់នូវមុខងារ Smart Key លាយឡំប៊ូតុងសំឡេងឡើងចុះ ប៊ូតុង Power និងខាងឆ្វេងមានប្រអប់ស៊ីមកាត់ Triple slots មានរន្ធស៊ីមកាត ២ និងរន្ធ microSD Card ១។ នាយកជាន់ខ្ពស់របស់ Asus ក៏បង្ហើបនូវព័ត៌មានមួយចំនួនផ្សេងទៀតលើ Instagram ដែលទាញបានថា ZenFone 6 មានបំពាក់កាមេរ៉ាភ្លោះពីរគ្រាប់ (48MP+13MP) និងថាមពលថ្មធំដល់ទៅ ៥ ០០០mAh ជាការវិវត្តខ្លាំងធៀបនឹងជំនាន់ចាស់ ZenFone 5z។
ជុំវិញផ្នែកអេក្រង់ពុំមានការលម្អិតច្បាស់នៅឡើយ តែតាម AnTuTu បង្ហើបកន្លងមក ម៉ូឌែលនេះនឹងប្រើប្រាស់រចនាបថអេក្រង់លាតស្មើ ពុំមានស្នាមឆក ហើយមានកម្រិតបង្ហាញ ២ ៣៤០x១ ០៨០ ភីកសែល៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ: