អ្នកគាំទ្រ Liverpool និង Spurs រួមគ្នាតវ៉ារឿងសំបុត្រយន្តហោះសណ្ឋាគារឡើងថ្លៃគុណនឹង១០

2019-05-11 08:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមអ្នកគាំទ្រ Tottenham និង Liverpool បានរួមគ្នាដើម្បីថ្កោលទោសចំពោះការឡើងថ្លៃ សំបុត្រយន្តហោះ និង សណ្ឋាគារសម្រាប់វគ្គផ្តាច់ព្រ័ត្រនៃក្របខ័ណ្ឌ Champions League នៅទីក្រុងម៉ាឌ្រីដ។

talkSPORT បានរាយការណ៍ថា ក្រុមហ៊ុនអាកាសចរណ៍ EasyJet បានដំឡើងថ្លៃសំបុត្រយន្តហោះសម្រាប់ជើងហោះហើរពីទីក្រុងលីវើភូលប្រទេសអង់គ្លេសរហូតដល់ទៅ ៨៤០% ឡើងថ្លៃពី ២៣០ ដុល្លារ ទៅចន្លោះពី ៩២០ ទៅ ៩៧០ ដុល្លារ។

ដោយឡែក ការរកជួលបន្ទប់សណ្ឋាគារ ផ្ទះសំណាក់នៅទីក្រុងម៉ាឌ្រីដហក់ឡើងថ្លៃខ្លាំងហួសឡើងពីចន្លោះ ១៥០ ដុល្លារក្នុង១យប់ រហូតដល់ប្រមាណ ១ ៦០០ ដុល្លារ ពោលគឺឡើងគុណនឹង១០។

ចំពោះសំបុត្រចូលទស្សនាបាល់ទាត់ក៏ឡើងថ្លៃពី ៤៥០ អឺរ៉ូ (៥០០ ដុល្លារ) សម្រាប់ឆ្នាំ២០១៨ ទៅ ៦០០ អឺរ៉ូ (៦៧០ ដុល្លារ) សម្រាប់ឆ្នាំ២០១៩។

ក្រុមអ្នកគាំទ្រ Tottenham និង Liverpool បានចេញសេចក្តីថ្លែងការណ៍រួមរៀបរាប់ថា "សេចក្តីរីករាយរបស់យើងក្នុងការឈានដល់វគ្គផ្តាច់ព្រ័ត្រ ត្រូវបានរារាំងដោយតម្លៃនៃការធ្វើដំណើរ កន្លែងស្នាក់នៅ សំបុត្រទស្សនា និង ការកំណត់ចំនួនសំបុត្រ"។

Mauricio Pochettino គ្រូបង្វឹក Tottenham បាននិយាយថាលោកពិតជាមានការឈឺចាប់សម្រាប់ ក្រុមអ្នកគាំទ្រ Tottenham និង Liverpool ព្រោះតែតម្លៃនៃការទៅលេងនៅ Madrid។ ខណៈលោក Jurgen Klopp ក៏សម្ដែងការអាណិតអាសូរចំពោះអ្នកគាំទ្រ។

Pochettino បាននិយាយ "កាលពីម្សិលមិញខ្ញុំទាក់ទងសណ្ឋាគារមួយចំនួនដើម្បីកក់កន្លែងស្នាក់នៅ ដើម្បីកក់ប៉ុន្មានបន្ទប់ ព្រោះខ្ញុំមិនដឹងថាគ្រួសារខ្ញុំនឹងទៅមើលឬអត់ សម្រាប់សមាជិកគ្រួសារមួយចំនួន សម្រាប់ពួកគេមកពីអាហ្សង់ទីន"។

“ខ្ញុំចង់កក់ ប៉ុន្តែវាពិបាកមែនទែន ហើយតម្លៃវិញគឺឆ្កួតមែនទែន"។

Klopp បាននិយាយថា "តើអាចឲ្យមានការប្រកួតផ្តាច់ព្រ័ត្រនៅ Kiev [កន្លែងដែល Liverpool បានលេងវគ្គផ្តាច់ព្រ័ត្រ Champions League កាលពីឆ្នាំមុន] និង Baku យ៉ាងម៉េច? ខ្ញុំមិនដឹងថាតើអ្នកធ្វើដំណើរទាំងនោះនឹងមានអ្វីហូបសម្រាប់អាហារពេលព្រឹក?”៕

អាន៖ កីឡាករ ៦ នាក់ផ្សេងទៀតដែលរកគ្រាប់បាល់បាន ៦០០ គ្រាប់សម្រាប់ក្លឹបដូច Messi

អាន៖ ជំនួប Derby ស៊ីសាច់ហុតឈាម៥គូ ដែលបច្ចុប្បន្នគូបដិបក្ខម្ខាងលែងខ្លាំងទៀតហើយ

ប្រភព៖ Talk Sport ប្រែសម្រួល៖ សុខ លាងហ៊ត