បែបទើសចិត្តនិងអ្នកប្រដាល់មួយចំនួនហើយមើលទៅ ទើប នួន សូរីយា រិះគន់ចាស់ដៃបែបនេះ

2019-05-31 03:10:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អតីតអ្នកប្រដាល់ជើងខ្លាំងរបស់កម្ពុជា នួន សូរីយា បែបទើសនិងអ្នកប្រដាល់មួយចំនួនស្រករក្រោយខ្លាំងហើយមើលទៅ ទើបរិះគន់បែបស្ថាបនា ក៏ដូចជាផ្ដល់ដំបូន្មានមួយចំនួនទៅដល់អ្នកប្រដាល់កម្ពុជាបច្ចុប្បន្ននេះ។ អតីតអ្នកប្រដាល់ល្អដៃខាងលើនេះ បានសរសេរលើហ្វេសបុករបស់ខ្លួនថា «ចង់ខ្លាំង ចង់ល្បី តែមិនសូវតស៊ូ មិនសូវប្រឹង»។ «បងប្អូនតែងឆ្ងល់ថាហេតុអ្វីកីឡាប្រដាល់ស្រុកគេកម្លាំងខ្លាំងម្ល៉េះ ខ្មែរសុទ្ធតែកីឡាករល្អៗ តែកម្លាំង និងសាច់ដុំអន់ណាស់»។

រូបភាពហ្វេសបុក នួន សូរីយា

**អតីតជើងខ្លាំងខាងលើនេះពន្យល់ទៀតថា៖**

ទី១ ខ្ជិលច្រើន

ទី២ ហាត់ច្រើន គិតថាទៅមិនរួចទេ

ទី៣ ពីមុនហាត់ព្រឹក១ម៉ោងកន្លះ ល្ងាច២ម៉ោង ដដែលៗ និងថយជាងមុន តែចង់បានសាច់ដុំ និងកម្លាំងខ្លាំងជាងមុន

ទី៤ មិនប្រឹងស្វែងយល់ពីខ្លួនឯង ថាចង់បានអ្វី ខ្វះខាតអ្វី ហេតុអ្វីគេខ្លាំងបាន? ធ្វើបាន?

ទី៥ មានហេតុផលច្រើនដែលជាលេះដោះសាសម្រាប់ខ្លួនខ្ជិលហាត់ ហត់ អស់ហើយ ឈឺដៃ ជើង គ្មានអ្វីញុំ។ល។

បើចង់ក្លាយជាកីឡាករល្បីល្បាញលើពិភពលោក ចូលកុំមានលេសច្រើន កុំខ្ជិល បើហាត់មួយថ្ងៃ៣ម៉ោង ខ្លាំងបានតែប៉ុណ្ណឹង ហេតុអ្វីមិនថែមមួយម៉ោងទៀតទៅ បើប៉ះពាល់ដល់កីឡាកររូបណា សូមកុំភ្លេចខឹងខ្ញុំផង បើមិនខឹង អស់កែហើយ។

រូបភាពហ្វេសបុក នួន សូរីយា

រំលឹកដែរថា ការលើកឡើងរបស់អតីតអ្នកប្រដាល់ល្បីឈ្មោះរបស់កម្ពុជា នួន សូរីយា នេះគឺរយៈពេល១៧ម៉ោងមុននេះលើហ្វេសបុករបស់លោកឈ្មោះ Sorya Noun។ បច្ចុប្បន្ននេះលោកកំពុងរស់នៅឯសហរដ្ឋអាមេរិក៕

អត្ថបទ៖ នួន ស៊ីណា